حه‌سانه‌ی ڕووژنامه‌نویس عیراقی
ڕسیڤه‌ر هاله گشت ماڵ و شوونیگ و سه‌حنه‌یل ئه‌ی ده‌زگا هاله بان خانی گشت بنایه‌یل ئابووری و كۆمه‌ڵایه‌تی و زانستی وه هه‌میش فره‌و بوین سایته‌یل ئه‌نته‌رنێتی خه‌وه‌ری و فره‌وبوین وه‌كار بردن ئه‌نته‌رنێت وه تایبه‌ت سایته‌یل خه‌وه‌ری وه هه‌میش به‌رزه‌وبوین وه‌كاربردن خزمه‌ت كل كردن خه‌وه‌ره‌یل و په‌خشه‌وكردنی له‌ڕیگه‌ی موبایل . ده‌زگایل ڕه‌سانن یه‌كیگ له گرنگترین ده‌زگایل په‌یوه‌ندی له‌ناونی پێكهاته‌یل كۆمه‌ڵگان وه تایبه‌ت له‌شوون پێشكه‌فتن كۆمه‌ڵگای ئمڕووژمان ، و له‌گشت لایگ جه‌هان ڕه‌سانن نه‌خش راسه‌وخۆیگ ئه‌را دامه‌زرانن و پێشكه‌فتن ڕووشنهویری له بواره‌یل جووروه‌جوور دیریگ ، وه‌ی خاتره ڕه‌سانن لایه‌ن گرنگیگ ئه‌را ئاگاداركردن و به‌رزه‌وكردن ئاست ڕووشنهویری له‌ناونی هاووڵاتیه‌یله تا بتویه‌نن په‌یوه‌ندی خاسیگ وه‌ل یه‌كه‌و داشتوون و بویه‌سه دیارده‌ی كۆمه‌ڵایه‌تی و ژیاریيگ ك وه كۆمه‌ڵگای ئمڕوومان په‌یوه‌ندی دیریگ و رێكخریاگیگ ئه‌رای دامه‌زریاس وه ناو رێكخریاگیگ ڕه‌سانن ك له كۆمه‌ڵیگ ده‌زگای ڕه‌سانن دامه‌زریاس . له‌ی چوارچیوه بایه‌د ئشاره‌تیگ بكه‌یمنه هه‌وه‌جه و له‌یه‌كه‌وداین به‌رژه‌وه‌ندیه‌یل ماڵ ڕووژنامه‌نویسی و ڕه‌سانن عیراقی له‌لایه‌ن په‌رله‌مان ئایه‌نده و له‌ی چوارچیوه گشت هاوكاره‌یل گه‌ورامان ك وه‌ره‌و وڵاته‌یل تر كووچ كردنه به‌شدار بكه‌یم و له په‌رله‌مان تازه بتوایم ك گشت شكه‌ست خواردگه‌یل و ناتوانه‌یل و دوشمه‌نه‌یل و هه‌ركه‌سیگ باوه‌ڕنامه‌ی ڕووژنامه‌نویسی و ڕه‌ساننی نه‌یریگ له ده‌زگایل ڕه‌سانن و ڕووژنامه‌نویسی عیراقی دویره‌و بخه‌ێد وه دیاری كردن ئه‌ی ياسا ده‌سمه‌یه‌تیان بیه‌یگ ئه‌را گله‌وداین هه‌قه‌یلیان ك وه‌گوره‌ی ياسایل گوزه‌یشته له‌لیان بیبه‌ش كریانه . ئه‌را ئه‌وه‌گ كار ڕه‌سانن و ڕووژنامه‌گه‌ری پیش بكه‌فیگ بایه‌د سه‌رله‌نوو كه‌رامه‌ت و حه‌سانه‌ی ڕووژنامه نویسی گله‌و بدریه‌یگ .
