تێرۆر له ده‌سه‌ڵات چوارم
مه‌ده‌نی ودينی و سياسی ، وه‌لی تێرۆر هويری جوور تازه‌يگ له تێرۆره ك خه‌ته‌رناكتره‌و و له‌دژيازد عه‌قل و هوير و باوه‌ر گشت هاوولاتيه‌يل وه تايبه‌ت جايل جوانه‌يل ك ئه‌و رۆشه‌نهويری به‌رزه نه‌يرن ك له‌خوه‌يان له‌وه‌راوه‌ر ئه‌ی تێرۆره دفاع بكه‌ن جيوه‌جی كريه‌يگ .
له‌شون ئه‌وه‌گ راگياندن يا ئعلام بويه زوان ئه‌ی سه‌رده‌مه نه‌بايه‌د له‌وه‌رچه‌و نه‌گريمنه‌ی و له‌لی ده‌س بكيشيم به‌ڵكه‌م بايه‌د له‌ريگه‌ی ئه‌ندامه‌يل و ئاميره‌يل وه‌توانا و پێشكه‌فتگ له‌لی ئاگاداری پێابكريه‌يگ، شيوه‌يل راگياندن يا ئعلام فره‌و بويه و توانايی فره‌تريگ وه‌ده‌س هاوردگه ئه‌را رێكخستن خوه‌ی وه‌ل بارو وه‌زع ئه‌ی وه‌خته . بريگ له ده‌زگايل راگياندن يا ئعلام پويل به‌ن ئه‌را بڵاو كردن باوه‌ته‌يليگ ته‌نيا ئامانجیان وه‌دی هاوردن فتنه و شيوانن يه‌كتی كۆمه‌ڵگا و فره‌تره‌و كردن ديدگايل تۆنره‌وانه له وڵاته و درۆشم يا شۆعار ئازادی ديدگا و رای و ڕووژنامه‌گه‌ری وه‌كار به‌ن ئه‌را شاردنه‌وه‌وی ته‌قالايل تاوانبارانه‌يان . له‌ی وه‌خته بريگ له ده‌زگايل راگياندن له‌ريگه‌ی ده‌زگايل راگياندن و په‌خشه‌و كردن ئه‌و كرده‌وه‌يل خوه‌ی كۆشه و ته‌قانن سياره‌ی سه‌ربازيگ يا كۆشتن هاووڵاتيه‌يل ته‌قالا كه‌ن پشتگيری وه‌ده‌س بارن ئه‌را وه‌ردواميان له‌ی ريگه . وه‌لی گشت بايه‌د بزانن ك كار ڕووژنامه‌گه‌ری له پاكترين و پێروزترين كاره‌يله و بايه‌د ئه‌و نامه ك درياسه‌پی وه گشت ئه‌مانه‌تداری و بیلايه‌نيگ بره‌سنيگه هاووڵاتی و ته‌قالا بكه‌يگ ئه‌را سازين به‌رنامه‌يل رۆشه‌نهويری و وه‌كار بردن گشت توانايه‌يل خوه‌ی ئه‌را چاره‌سه‌ر كردن كيشه‌يل وڵات نه‌گ زيايه‌و كردنی .
حكوومه‌تيش بايه‌د دادگايليگ تايبه‌ت بكه‌يگ ئه‌را ئه‌ی جوور تێرۆريگ و قانوونه‌يليگ سه‌ختيگ و خه‌ت قرمزيگ دياری بكه‌يگ تا ڕووژنامه‌نويس له‌لی ره‌د نه‌ود . ئه‌ی قانوونه‌يله وه‌مانای كه‌مه‌و كردن له ئازاديه‌يل ڕووژنامه‌نويس نيه به‌ڵكه‌م ئيمه له ئازادی ده‌سه‌ڵات چوارم پشتگيری كه‌يم وه‌لی له‌چوارچيوه‌ی سنووره‌يل تايبه‌ت كرياگ ئه‌را ئه‌ی كار پێروزه .
