به‌ش کورد فه‌یلی ده عراق نووی هیچ نییه
2020-11-14T06:48:42+00:00
شه‌‌فه‌ق نیوز- ئه‌ر وه کارنامه‌ی نه‌نگه‌سار حزب به‌عس سه‌ددامی بنووڕیمن، دبینیمن ک کورد فه‌یلی، مه‌زڵوومترین قه‌وم عراقه ک دو تاوان گه‌پ له چاو حزب به‌عس سه‌ددامی داشت: کورد بیین و شیعه بیین و هه‌ر چه‌ن ک له جارانه‌و ئوو وه‌ر ژه هه‌ر قه‌وم عراقیێ دانیشتگ و زاییده‌ی رووژهه‌ڵات ده‌جڵه و به‌غدا و خاون ئی وڵاته بییه، باوجی چه‌ن کاره‌سات وه سه‌رێ هاتگه: ئه‌نفاڵ، تاڵان، ته‌عریب، کوشت و بڕ و شوون‌بڕی و بێ‌ناسنامه‌یی و پاسا کردن حه‌ق وڵاتوه‌ندی.
حه‌تمه‌ن ک گرد قه‌وم و هووزه‌یل عراقی جه‌ورکیش ئه‌و ده‌ورانه نگریسه بینه، باوجی هیچ کام چه‌نه کورد فه‌یلی ئی هه‌مگه مه‌ینه‌ت و ئازاره وه یه‌کا ئه‌وه‌یش ده یه‌ک نووره‌ی بێ‌هچان چل ساڵه نه‌کیشا.
ئه‌و هه‌مگه ماڵ و مینه ک وه تاڵان بریا؛ هیچ
ئه‌و هه‌مه‌ی زار و زه‌مین ک تاوان کریا؛ هیچ
ئه‌و هه‌مگه‌ی ژیانه ک حه‌راماته‌و بی؛ ههم هیچ
ئه‌ر هه جوانه‌مه‌رگ کریاگه‌یل ئی قه‌وم ئه‌سیڵ عراقییه بشماریم دبینیمن ک بان بیس و دو هزار جوان کورد فه‌یلی بێ‌شوون و نوون و شوون‌گوم کوشریانه، یه یانێ تاوان داینێ سه‌خت ئه‌ڔا سازین عراق نووی. باوجی عراق نووی، چه ئه‌ڔا ئی قه‌ومه بێ‌سه‌ر و شوون کریاگه کردگه؟
جواپێ دیارییه؛ هیچ
ده عراق، ..... پوست ئداری ده وزاره‌تخانه‌یل و پارلمان هه‌سه، به‌ش کورد فه‌یلی هه چوار نمایه‌نده‌سه، له وه‌زیره‌یل به‌ش ئی قه‌ومه هیچه، له موعاون وه‌زیره‌یل ههم به‌ش ئی قه‌ومه هیچه.
ئه‌ڕا؟ یه پرسیاریێگه ک له که‌سێ جواوێ ئه‌ڔای نه‌دیرێ.
حه‌تمه‌ن ک گرد قه‌وم و هووزه‌یل عراقی جه‌ورکیش ئه‌و ده‌ورانه نگریسه بینه، باوجی هیچ کام چه‌نه کورد فه‌یلی ئی هه‌مگه مه‌ینه‌ت و ئازاره وه یه‌کا ئه‌وه‌یش ده یه‌ک نووره‌ی بێ‌هچان چل ساڵه نه‌کیشا.
ئه‌و هه‌مگه ماڵ و مینه ک وه تاڵان بریا؛ هیچ
ئه‌و هه‌مه‌ی زار و زه‌مین ک تاوان کریا؛ هیچ
ئه‌و هه‌مگه‌ی ژیانه ک حه‌راماته‌و بی؛ ههم هیچ
ئه‌ر هه جوانه‌مه‌رگ کریاگه‌یل ئی قه‌وم ئه‌سیڵ عراقییه بشماریم دبینیمن ک بان بیس و دو هزار جوان کورد فه‌یلی بێ‌شوون و نوون و شوون‌گوم کوشریانه، یه یانێ تاوان داینێ سه‌خت ئه‌ڔا سازین عراق نووی. باوجی عراق نووی، چه ئه‌ڔا ئی قه‌ومه بێ‌سه‌ر و شوون کریاگه کردگه؟
جواپێ دیارییه؛ هیچ
ده عراق، ..... پوست ئداری ده وزاره‌تخانه‌یل و پارلمان هه‌سه، به‌ش کورد فه‌یلی هه چوار نمایه‌نده‌سه، له وه‌زیره‌یل به‌ش ئی قه‌ومه هیچه، له موعاون وه‌زیره‌یل ههم به‌ش ئی قه‌ومه هیچه.
ئه‌ڕا؟ یه پرسیاریێگه ک له که‌سێ جواوێ ئه‌ڔای نه‌دیرێ.
