ئهرا ئهو دهوڵهتهيل ئسلاميه خوازيار لهناوبردن تيرۆرن
![ئهرا ئهو دهوڵهتهيل ئسلاميه خوازيار لهناوبردن تيرۆرن](https://media.shafaq.com/media/zzzorjtg/د-سۆزان-ئامێدى.jpg)
د. سۆزان ئامێدى/ ههر دهوڵهتيگ ك وهڕاسى ئهخوازێد روێ وهڕوێ تونڕهوى و تيرۆر بدێدهو، بايهسه يهكهمجار بفامێد و دگان وهو هووكارهيله بنهێد ك دهسميهتى دانه ئهرا وجوودێ و دوياخريش نهخشهيگ سياسهت گشتى ئهرا ئهو روێ وهڕوێ بوينهوه دابنهێد، ئمجا چارهسهر ئهرا تونڕهوى و تيرۆر لهى ڕيهيلهو وهدێ ئهكريهێد:
1- خواست ئهوهسه ئاڵشتوبوين ديموكراسى و بهشداربوين خاڵيگ بنهڕهتێ بدێ له خاڵهيل كار سياسى، يهيش ماناى دهسهوهربوين دهرفهت گوزارش سياسى و دهسوهدهسكردن دهسڵات و پاكى ههڵوژاردنهيل و مهشقكردن چاودێرى مهردمييه.
2- دقهتكردن لهبان ههڵكهفت پهروهدهيى مناڵهيل و دويرهوخستنى لهگشت رووشنهويريهتييگ دوشمنكارانه.
3- گرنگيداين وه بهرنامهى پهروهردهيى ك پايهيهيگ له گرنگى و كاريگهرى داشتوود.
4- ئاشنابوين لهبان ئهزموونهيل بڕيگ له ريكخرياگهيل لهبارهى مامڵهكردن وهل رهوهيل ئۆپزسيۆن ئسلامى.
5- بايهسه لهبان رووشنهويرهيل ههوڵهيليان ئاڵشت بدێ ئهرا كارهيل تهنويرێ مهردمى.
6- مراجعهتكردن له شيواز و رهفتار دهزگايهيل ئسلامى له بوار رينماييكردن و ئامووژگارى و بايهسه ئهو دهزگايهيل كريانهوه لهبان جههان داشتوون.
7- مراجعهتكردن له كلتوور نهتهوهيى و ئسلامى، وه ئهوهگ نهريتهيل فريهيى سياسى و ئازادى هزرێ و دهرخستن رۆڵ ئافرهت و شورا دهسهوهر بكا.
8- فراوانكردنهوهى گفتگووهيل نيشتمانى ك ئهتويهنێد شيوازهيل رينمايى گشتى پتهوتر بكا و دوياخريش بهشداربوين نيشتمانى لهلى ئهكهفێدهو له روێ وهڕوێ بوينهوهى تيرۆر.
9- پابهندبوين دهزگايهيل ئهمنى وه ياسايهيل له مامڵهكردنيان وهل دوسيهى تيرۆر و روێ وهڕوێ بوينهوهێ و ههماههنگى وهل دهزگايهيل رهسانن، يا وه مانايگ تر كارهيل ناوهجێ و له بهرژهوهندێ تونڕهوى و تيرۆر نهگرنه وهر.
10- دوينستنهوهى چارهسهر بنهڕهتى ئهرا كيشهيل ئابوورى و كۆمهڵايهتى وه تايبهت ئهوهگ پهيوهسه وه جايهيهڵهيل.
11- جێ وهجيكردن رووشنهويرى كۆمهڵگاى مهدهنى.