ئنسان فه‌یلی له ناونی (كاڵین) خه‌بات تا (دره‌و) دیموكراسى
2020-09-20T08:21:10+00:00
شه‌فه‌ق نیوز/ گشت ڕیككه‌فتنه ك فه‌یلیه‌یل هه‌ڵوێسته‌یل نیشتمانپه‌روه‌رى گه‌ورایگ داشتنه و وه فراوانى به‌شدارى كردنه له گشت مه‌سه‌له‌یل گه‌وراى تاریخ سیاسى عیراق، ئمڕوو كورده‌یل فه‌یلى وه ئه‌وپه‌ڕ سه‌رسوڕمانه‌و نووڕنه هه‌ڵوێست بڕیگ له‌و لایه‌نه‌یل و هێزه‌یل سیاسیه ك بوینه‌سه خاوه‌ن ده‌سڵات و جڵه‌و حوكمڕانى گرتنه‌سه‌و ده‌س، چوین ئه‌و هه‌ڵوێسته‌یل نیشتمانپه‌روه‌رانه‌ى كورده‌یل فه‌یلى و ئه‌و هه‌مكه قوربانى داینیانه و ئه‌و شه‌هیده‌یلیانه له ڕیگه‌ى ئازادى و دیموكراتى ئه‌را عیراق، له هویر خوه‌یانه‌و بردنه؟!...
شه‌فه‌ق نیوز له ڕا و ئه‌راى چوین چه‌ن سیاسه‌تمه‌داریگ عیراقى له‌ى باوه‌ته پرسى ك باس به‌شیگ له كاروان نیشتمانپه‌روه‌رى كورد فه‌یلى كردن.
ئه‌ندام لوجنه‌ى مه‌ركه‌زى پارت كۆمۆنیست یا شیوعى عیراقى مه‌حه‌مه‌د جاسم ئه‌لله‌بان له‌ى باوه‌ته‌وه ئویشى:"ئى چینه ك به‌شدارى گه‌ورایگ داشتنه له ئابوورى نیشتمانى عیراقى و گشت كاره‌یل به‌رهه‌مدار و خزمه‌تگوزارى، له گشت چین و لایه‌نه‌گان ملله‌ت عیراق زیاتر تویش زوڵم و زوور هاتنه هه‌رچه‌نى ك ده‌ور گه‌ورایگیش داشتنه له‌جمشت نیشتمانى و دیموكراتى عیراقى".
ئه‌لله‌بان له باوه‌ت نیشتمانپه‌روه‌رى كورده‌یل فه‌یلى وت:"توام ئاماژه وه چشتیگ بیه‌م ك تا ئیسه كه‌س ناوى نه‌هاوردیه، یه‌یش ئه‌وه‌سه ك كورد فه‌یلى له گشت چینه عیراقیه‌گان زیاتر چه‌سپیاسه قه‌ى نیشتمان و له هه‌ر كوره بوینه هه‌میشه عیراق له‌ناو دڵ و ده‌روینیان بویه، ته‌نانه‌ت ئه‌وانه‌یش ك ڕژیم دیكتاتۆرى ئاواره‌یان كرد، و چوینكه دیموكراتى خوازن و به‌شداریش كردن له جمشت نیشتمانى و قوربانیه‌یل فره‌یگ پیشكه‌ش كردن و هه‌ر له‌وه‌ر ئه‌وه‌یشه بوى ك ڕژیمه‌یل دیكتاتۆرى وه چه‌و دوشمنایه‌تیه‌و نووڕیانه پیانه‌وه و بوخت (ته‌به‌عیه) كردیانه پیان و (ته‌سفیر) ده‌ریان كردن.
ئه‌لله‌بان ئه‌وه‌یشه ئاشكرا كرد ك پارت كۆمۆنیست عیراقى شانازى كه‌ید وه كورده‌یل فه‌یلى چوینكه :" سه‌دان و هه‌زاران كه‌س له كورده‌یل فه‌یلى هاتنه‌سه ڕیزه‌یل پارت كۆمۆنیست عیراقى ئه‌را به‌رگرى كردن له زه‌حمه‌تكیشه‌یل و كاركه‌ره‌یل و گشت ئه‌وانه‌گ وه ده‌س و وه‌هویر كاركه‌ن و قوربانى فره‌یگ دان و ئیمه‌یش هه‌ر له سه‌ره‌تاوه خه‌وه‌ردار مه‌ینه‌تیه‌یل كورد فه‌یلى بویمن و داواى هه‌قه‌یلیان كردیمن و ئه‌وه‌یش داواكردیمن ك جوور هاووڵاتى پله یه‌ك شماره بكریه‌ن.
ئه‌لله‌بان له هێزه‌یل سیاسى داواكرد ك :" ئه‌رك سیاسه‌تمه‌داره‌یل عیراقه ك وه زویترین وه‌خت داوای هه‌ق كورده‌یل فه‌یلى بكه‌ن و پشتگیرى له داخوازیه ڕه‌واگانیان بكه‌ن .
عه‌بدولخالق زه‌نگه‌نه ئه‌ندام وه‌رین هاوپه‌یمانى كوردستانى له په‌رله‌مان عیراق وت:"هه‌ر له ساڵه‌یل بیس و سى و چل سه‌ده‌ى وه‌رینه‌و كورده‌یل فه‌یلى به‌شدارى كارایگ داشتن له بیناكردن ده‌وڵه‌ت عیراق و له جمشت نیشتمانى ئه‌را ده‌سه‌وه‌ركردن سه‌روه‌رى و بى لایه‌نى عیراق ، له هه‌مان وه‌خت نه‌خش و ده‌ور خوه‌یان داشتن له دروسكردن ڕیكخریاوه‌یل و پارته‌یل كوردستانى و له‌وانه‌یش له دامه‌زرانن پارت دیموكرات كوردستان و یه‌كیگ له سه‌ركرده‌گانیان بویه سكرتێر پارتى ك خه‌باتكا‌ر (حه‌بیب مه‌حه‌مه‌د كه‌ریم) بوى، ئه‌وه بیجگه به‌شدارى كردنیان له شووڕش ئه‌یلوول، و له‌لایگ تریشه‌و دیفاع كردنیان له شووڕش 14 ته‌ممووز ك له ساڵ 1963 ئى چینه تویش گرتن و زیان داین هاتن له‌وه‌ر هه‌ڵوێست نیشتمانپه‌روه‌رییان و به‌شدارى كردنیان له جمشت كوردستانى".
زه‌نگه‌نه ئه‌وه‌یشه ئاشكرا كرد ك :" یه‌كم ئۆپه‌راسیۆن ئه‌نفال ده‌رهه‌ق ئى چینه ئه‌نجام دریا، ئه‌ویش وه‌ل هاتن حزب به‌عس ئه‌را ده‌سڵات تا دویا ئۆپه‌راسیۆن بى شوون و نوین كردن و له سێداره داین و كووچوه‌پیكردنیان له ساڵ 1980".
زه‌نگه‌نه له كووتایى قسه‌گانى وت :" ئى چینه تویش زوڵم و زوور فره‌یگ هات، وه‌لى وه‌داخه‌وه هیمان لایه‌نه‌یل په‌یوه‌ندیدار لایگ له‌لیه‌و نه‌كردنه تا بڕه‌سنه هه‌قه‌یل ڕه‌واى خوه‌یان".
جی باسه ، دكتۆر فوئاد مه‌عسوم ( سه‌رۆك كۆمار وه‌رین عراق) وه‌خت خوه‌ی وه‌ى جووره له‌ى باوه‌ته ئه‌را شه‌فه‌ق نیوز قسه‌كردبی : فه‌یلیه‌یل كورده‌یل ڕه‌سه‌ن و پاكیگن و له به‌غدا جه‌مه‌و بوین و له مه‌یدانه‌یل ئابوورى و سیاسى و ڕووشنهویرى كاركردن و نه‌خش و ده‌ور گه‌ورایگ داشتن له جمشته‌یل چه‌پ عیراقى ك داواى دیموكراسى كردیان و له جمشت كوردیش چه‌ن سه‌ركرده‌یگ له‌ڕیز یه‌كم داشتنه.
له دریژه‌ى قسه‌گانى مه‌عسوم ئه‌وه ئاشكراكرد ك :"كورده‌یل فه‌یلى بیجگه ئه‌وه ك كورد ڕه‌سه‌ن و پاكیگن ، فره پابه‌ند بوین وه عیراقیه‌تیان ، وه‌لى مه‌یل مه‌زهه‌وى چه‌ن لایه‌نیگ سیاسى ،كاریگه‌رى گه‌نیگ له‌بانیان داشت ، چوینكه ئه‌و لایه‌نه‌یله وه‌چه‌و گومانه‌وه نووڕنه چالاكى و هه‌ڵوێسته‌یل كورده‌یل فه‌یلى و له‌یراوه هه‌ڵمه‌ته‌یل وه ئامانجكردنیان ده‌س كرده‌پى له‌وه‌ر هه‌ڵوێسته‌یل نیشتمانییان و ئنتماى مه‌زه‌وییان و نه‌خش و ده‌وریانیش له جمشت كوردى".
له‌باوه‌ت بارووه‌زع ئمڕوو كورده‌یل فه‌یلى مه‌عسووم له كووتایى قسه‌گانى وت :"ئیسه دویاى ئه‌و ئاڵشتو ئوڵشته ك له عیراق ڕوى دا بایه‌سه بایه‌خ و گرینگى بدریه‌یده ئى چین وه‌فادار و خاوه‌ن قوربانیه و قه‌ره‌بوویان بكریه‌ید له‌وه‌ر ئه‌و زه‌ره‌ده‌یله ك له سه‌رده‌مه‌یل وه‌رین تویشى هاتن".
شه‌فه‌ق نیوز له ڕا و ئه‌راى چوین چه‌ن سیاسه‌تمه‌داریگ عیراقى له‌ى باوه‌ته پرسى ك باس به‌شیگ له كاروان نیشتمانپه‌روه‌رى كورد فه‌یلى كردن.
ئه‌ندام لوجنه‌ى مه‌ركه‌زى پارت كۆمۆنیست یا شیوعى عیراقى مه‌حه‌مه‌د جاسم ئه‌لله‌بان له‌ى باوه‌ته‌وه ئویشى:"ئى چینه ك به‌شدارى گه‌ورایگ داشتنه له ئابوورى نیشتمانى عیراقى و گشت كاره‌یل به‌رهه‌مدار و خزمه‌تگوزارى، له گشت چین و لایه‌نه‌گان ملله‌ت عیراق زیاتر تویش زوڵم و زوور هاتنه هه‌رچه‌نى ك ده‌ور گه‌ورایگیش داشتنه له‌جمشت نیشتمانى و دیموكراتى عیراقى".
ئه‌لله‌بان له باوه‌ت نیشتمانپه‌روه‌رى كورده‌یل فه‌یلى وت:"توام ئاماژه وه چشتیگ بیه‌م ك تا ئیسه كه‌س ناوى نه‌هاوردیه، یه‌یش ئه‌وه‌سه ك كورد فه‌یلى له گشت چینه عیراقیه‌گان زیاتر چه‌سپیاسه قه‌ى نیشتمان و له هه‌ر كوره بوینه هه‌میشه عیراق له‌ناو دڵ و ده‌روینیان بویه، ته‌نانه‌ت ئه‌وانه‌یش ك ڕژیم دیكتاتۆرى ئاواره‌یان كرد، و چوینكه دیموكراتى خوازن و به‌شداریش كردن له جمشت نیشتمانى و قوربانیه‌یل فره‌یگ پیشكه‌ش كردن و هه‌ر له‌وه‌ر ئه‌وه‌یشه بوى ك ڕژیمه‌یل دیكتاتۆرى وه چه‌و دوشمنایه‌تیه‌و نووڕیانه پیانه‌وه و بوخت (ته‌به‌عیه) كردیانه پیان و (ته‌سفیر) ده‌ریان كردن.
ئه‌لله‌بان ئه‌وه‌یشه ئاشكرا كرد ك پارت كۆمۆنیست عیراقى شانازى كه‌ید وه كورده‌یل فه‌یلى چوینكه :" سه‌دان و هه‌زاران كه‌س له كورده‌یل فه‌یلى هاتنه‌سه ڕیزه‌یل پارت كۆمۆنیست عیراقى ئه‌را به‌رگرى كردن له زه‌حمه‌تكیشه‌یل و كاركه‌ره‌یل و گشت ئه‌وانه‌گ وه ده‌س و وه‌هویر كاركه‌ن و قوربانى فره‌یگ دان و ئیمه‌یش هه‌ر له سه‌ره‌تاوه خه‌وه‌ردار مه‌ینه‌تیه‌یل كورد فه‌یلى بویمن و داواى هه‌قه‌یلیان كردیمن و ئه‌وه‌یش داواكردیمن ك جوور هاووڵاتى پله یه‌ك شماره بكریه‌ن.
ئه‌لله‌بان له هێزه‌یل سیاسى داواكرد ك :" ئه‌رك سیاسه‌تمه‌داره‌یل عیراقه ك وه زویترین وه‌خت داوای هه‌ق كورده‌یل فه‌یلى بكه‌ن و پشتگیرى له داخوازیه ڕه‌واگانیان بكه‌ن .
عه‌بدولخالق زه‌نگه‌نه ئه‌ندام وه‌رین هاوپه‌یمانى كوردستانى له په‌رله‌مان عیراق وت:"هه‌ر له ساڵه‌یل بیس و سى و چل سه‌ده‌ى وه‌رینه‌و كورده‌یل فه‌یلى به‌شدارى كارایگ داشتن له بیناكردن ده‌وڵه‌ت عیراق و له جمشت نیشتمانى ئه‌را ده‌سه‌وه‌ركردن سه‌روه‌رى و بى لایه‌نى عیراق ، له هه‌مان وه‌خت نه‌خش و ده‌ور خوه‌یان داشتن له دروسكردن ڕیكخریاوه‌یل و پارته‌یل كوردستانى و له‌وانه‌یش له دامه‌زرانن پارت دیموكرات كوردستان و یه‌كیگ له سه‌ركرده‌گانیان بویه سكرتێر پارتى ك خه‌باتكا‌ر (حه‌بیب مه‌حه‌مه‌د كه‌ریم) بوى، ئه‌وه بیجگه به‌شدارى كردنیان له شووڕش ئه‌یلوول، و له‌لایگ تریشه‌و دیفاع كردنیان له شووڕش 14 ته‌ممووز ك له ساڵ 1963 ئى چینه تویش گرتن و زیان داین هاتن له‌وه‌ر هه‌ڵوێست نیشتمانپه‌روه‌رییان و به‌شدارى كردنیان له جمشت كوردستانى".
زه‌نگه‌نه ئه‌وه‌یشه ئاشكرا كرد ك :" یه‌كم ئۆپه‌راسیۆن ئه‌نفال ده‌رهه‌ق ئى چینه ئه‌نجام دریا، ئه‌ویش وه‌ل هاتن حزب به‌عس ئه‌را ده‌سڵات تا دویا ئۆپه‌راسیۆن بى شوون و نوین كردن و له سێداره داین و كووچوه‌پیكردنیان له ساڵ 1980".
زه‌نگه‌نه له كووتایى قسه‌گانى وت :" ئى چینه تویش زوڵم و زوور فره‌یگ هات، وه‌لى وه‌داخه‌وه هیمان لایه‌نه‌یل په‌یوه‌ندیدار لایگ له‌لیه‌و نه‌كردنه تا بڕه‌سنه هه‌قه‌یل ڕه‌واى خوه‌یان".
جی باسه ، دكتۆر فوئاد مه‌عسوم ( سه‌رۆك كۆمار وه‌رین عراق) وه‌خت خوه‌ی وه‌ى جووره له‌ى باوه‌ته ئه‌را شه‌فه‌ق نیوز قسه‌كردبی : فه‌یلیه‌یل كورده‌یل ڕه‌سه‌ن و پاكیگن و له به‌غدا جه‌مه‌و بوین و له مه‌یدانه‌یل ئابوورى و سیاسى و ڕووشنهویرى كاركردن و نه‌خش و ده‌ور گه‌ورایگ داشتن له جمشته‌یل چه‌پ عیراقى ك داواى دیموكراسى كردیان و له جمشت كوردیش چه‌ن سه‌ركرده‌یگ له‌ڕیز یه‌كم داشتنه.
له دریژه‌ى قسه‌گانى مه‌عسوم ئه‌وه ئاشكراكرد ك :"كورده‌یل فه‌یلى بیجگه ئه‌وه ك كورد ڕه‌سه‌ن و پاكیگن ، فره پابه‌ند بوین وه عیراقیه‌تیان ، وه‌لى مه‌یل مه‌زهه‌وى چه‌ن لایه‌نیگ سیاسى ،كاریگه‌رى گه‌نیگ له‌بانیان داشت ، چوینكه ئه‌و لایه‌نه‌یله وه‌چه‌و گومانه‌وه نووڕنه چالاكى و هه‌ڵوێسته‌یل كورده‌یل فه‌یلى و له‌یراوه هه‌ڵمه‌ته‌یل وه ئامانجكردنیان ده‌س كرده‌پى له‌وه‌ر هه‌ڵوێسته‌یل نیشتمانییان و ئنتماى مه‌زه‌وییان و نه‌خش و ده‌وریانیش له جمشت كوردى".
له‌باوه‌ت بارووه‌زع ئمڕوو كورده‌یل فه‌یلى مه‌عسووم له كووتایى قسه‌گانى وت :"ئیسه دویاى ئه‌و ئاڵشتو ئوڵشته ك له عیراق ڕوى دا بایه‌سه بایه‌خ و گرینگى بدریه‌یده ئى چین وه‌فادار و خاوه‌ن قوربانیه و قه‌ره‌بوویان بكریه‌ید له‌وه‌ر ئه‌و زه‌ره‌ده‌یله ك له سه‌رده‌مه‌یل وه‌رین تویشى هاتن".
