گیان‌‌کنین گیان سووز ژنێ موعه‌لم ده ئیلام
شه‌فه‌ق نیوز- شه‌هلا موحه‌مه‌دی، موعه‌لم، ئه‌یوانی ک ده‌رس زاڕوو مه‌دره‌سه‌یله ده مه‌دره‌سه‌ی ئبتدایی ددا، تووش کورونا هات و ئه‌مر خودا کرد.
مردن دڵته‌زن ئی ژن ئامووژکاره ئه‌ڔا خاتر یه ک تا پای مردنێ وه موبایله‌گه‌ی هه ده‌رس مناڵه‌یله داگه، بییه‌سه تیترێ ئه‌ڔا رووژنامه‌وانه‌یل.
ئه‌وی ک چه‌ن رووژ ئاخر عمرێ ده بان جی بییه و هناسه‌کوتر بییه، وه بان یه‌وه ک هه وه زوور هناس ئه‌ڵکیشاگه هه‌مجا جووز له ده‌رس داین نه‌کردگه تا وه‌ختێ ک دی دوکتوره‌یله موبایله له‌ی دسینن و بێهووش دکه‌ن و شڵنگ ئوکسیژن دنن وه قه‌ێ.
ئه‌وی ده‌و هه‌نسا ئیچوونه په‌یامێ ناگه ده گرووپه واتساپییه‌یله‌ی وه‌رد زاڔوو مه‌دره‌سه‌یله‌ێ خوه‌ێ:
سه‌ڵام رووڵه‌یل نازارم، بوه‌خشنه‌م ئه‌ر ده‌ێ دو رووژه دی گه‌نجوورێ که‌فتمه و نه‌توانستم ده‌رستان بده‌م، گشتتان دوعا و نقا ئه‌ڔام بکه‌ن.
بوه‌خشنه‌م، ئازیزه‌یله‌گه‌م، حاڵم فره خراوه و چه‌ن رووژه چوون هامه بیمارستان و وه گه‌رد ده‌زگای ئوکسیژن دیرم هناس ئه‌ڵکیشم، دی له یه‌و دۆما نه‌دتوانم ده‌رس وه‌تان بده‌م، ئه‌گه‌ر نه‌توانستم وه ئاغای خوڕانی وتمه ک وه جی م، ئانلاین بمینێ و ده‌رستان بده‌ێ تا نه‌میننه جی تا وه‌ختێ ک خودا بخوازێ و خاسه‌و ببم و ئه‌ڵگه‌ردمه دۆما، دوعا و نزای خاس ئه‌ڔام بکه‌ن.
وێنه‌ی په‌ڕه‌ی دۆماپه‌یامه‌یله‌ی ئه‌و ژنه دڵسووزه، ئی رووژه‌یله وه‌گه‌رد ئه‌سر و هه‌ناسه‌ی سه‌رد خوێنه‌ره‌یله‌ێ ژێر ده‌سێ و گشت ئیلامییه‌یله، دیرێ ده شه‌واچه‌یل مه‌جازی ده‌س وه ده‌س دچه‌رخێ.
