گروپ میوزیك شه‌ڵتاخ دامه‌زريا
(ئالان حه‌مید) ئه‌ندام گروپ شه‌ڵتاخ له‌قه‌زای كفری ئه‌ڕاNNA وت: "ئيمه جوور شوماره‌یگ جوان شار كفری له‌ديد هسكردن‌و وه‌رپرسیارییه‌تیمان له‌خزمه‌تكردن شاره‌گه له‌بوار هونه‌ر هوير له‌دامه‌زرانن گروپێگ میوزیك كرديم، خوه‌شبه‌ختانه تويه‌نستیم ئی گروپه وه‌نوو ئه‌ندام دابمه‌زرنیمن، وه‌يخاتره دويه‌كه ئێواره‌یش له‌هۆڵ قاوه‌خانه‌ی ڕووشنهویره‌یل كفری ئێواره‌یگ هونه‌ری سازكرديم، وه‌ئاماده‌بوين شوماره‌یگ له‌هه‌واداره‌یل هونه‌رو كه‌ناڵه‌یل ڕه‌سانن‌و وه‌رپرسه‌یل حزبی‌و حكومی چه‌نه‌ها خه‌ڵات قه‌درگردن به‌خشريا پيمان".
وتیش:"سێ ئه‌ندام گروپه‌گه‌مان خوه‌ندكار په‌یمانگه‌ی هونه‌ره‌يل جوان شار كفرین، ئه‌وه‌كان تریش خوه‌ندكار زانكۆو ئاماده‌ییه‌يلن، له‌ئاينده‌يش به‌شداری له‌فێستیڤاڵه‌يل ساڵانه‌ی وه‌ڕێه‌و‌به‌رایه‌تی ڕووشنهویری‌و هونه‌ری كفری كه‌یمن‌و كۆنسێرت ئه‌ڕا هونه‌رمه‌نده‌یل قه‌زاگه‌يش ساز كه‌یم".
ا. ج
