پێشانگه‌یگ شێوه‌كاری ئه‌را هونه‌رمه‌ند عه‌باس كه‌مه‌ندی ئه‌كريه‌ێده‌و
2012-11-13T16:17:07+00:00
(عه‌باس كه‌مه‌ندی) له‌شار سلێمانی واز ئه‌كا.
به‌ختیار سه‌عید وه‌ڕێه‌وبه‌ر ڕه‌سانن وه‌ڕێه‌وبه‌رایه‌تی هونه‌ری شێوه‌كاری وتگه، بڕیاره له (21) ئی مانگه پێشانگايگ ئه‌را هونه‌رمه‌ند ناسرياگ كورد عه‌باس كه‌مه‌ندی واز بكه‌ن.
وتیش:"هونه‌مه‌ند عه‌باس كه‌مه‌ندی وه (42) تابلۆی قه‌باره جیاواز پێشانگاگه‌ی خوه‌ی ئه‌ڕازنێده‌و و وه زووان خوه‌ی باس له‌شێوازو كاركردن هونه‌ری خوه‌ی ئه‌كا له‌ناو پێشانگه‌گه".
وه‌ڕێه‌وبه‌ر ڕه‌سانن وه‌ڕێه‌وبه‌رایه‌تی هونه‌ری شێوه‌كاری باس له‌وه‌يش كرد، فره كه‌س له‌خوه‌يانا عه‌باس كه‌مه‌ندی ته‌نيا گورانیچڕه، وه‌لی له‌ڕاسیا ئه‌و (گورانیچڕه، ئاوازدانه‌ره، مه‌ته‌ڵ و سیناریۆی فیلم سینه‌مایی)ش نويسێ و له‌هه‌مان وه‌ختيش شێوه‌كاریشه.
NNA
ا. ج
