کووچکردن هونەرمەن کویەنە ئیجناسیو لوبیز
لوبیز لە ئەسارەیل سەردەم تەڵاییە لە سینەمای مەکسیکی، و ئەسارەی یەکەمین فیلم لە بەرهەم مەکسیک بوی ک ئەرا وەرگردن خەڵات ئۆسکار لە چین خاسترین فیلم بیگانە پەسەن کریا.
لوبیز خاوەن پاڵەوانیەتی بوی لە فیلم ماکاریو لە ساڵ ١٩٦٠، ک رویداوەیلی باس لە ئەوبان سەرووشت کرد، لە ئاهەنگ رووژ مردگەیل، و روبیرتۆ جاڤالدون دەرهینانی کرد.
فیلمەگە ئەرا خەڵات ئۆسکار لە چاپ سی و سێیەمی پەسەن کریا، وەلێ فیلم زا ڤێرجن سپرینگ خەڵاتەگە برد.
لە میژوو پیشەیی ک لە ٧٠ ساڵ زیاترە، لوبیز پاڵەوانیەتی لە بڕیگ فیلم مەکسیکی رانێد.
میدیایل راگەیانن مەکسیک وتن: لە رووژویل گوزەشتە تەندروسیی شیویا، و تا رەسیە ناو تەمەن نەوەتەیل هەر کار ئەکتەری کرد.
ئەلیخاندرا فراوستو خانمە وەزیر رووشنهویری مەکسیک وت: لوبیز شوین پەنجەیگ وەجی هیشت ک لە هویر نیەچوود، و مارسیلیۆ ئیبرارد وەزیر دەرەوەی مەکسیک وت: مردنی زەرەد گەورەیگە ئەرا مەکسیک.
لوبیز لە ساڵ ١٩٢٥ لە مەکسیکۆ لەداڵگبوی، و لە سەردەم تەڵایی سینەمای مەکسیکی ئەسارەی بەرزەو بوی.
