کووچکردن هونەرمەن فەیلی "عەباس خەتات".. تا نیم سەدە خوەشهاڵی خستە دڵ تەماشاکرەیل
مالک بەیکی لە کەسوکار رەحمەتی عەباس کەهرسودی ئەرا ئاژانس شەفەق نیوز وت: کەهرسودی جویر هونەرمەندگ دێرین لە هونەر خوەشنویسی، وەلایەن جەماوەر هەر لە ساڵەیل هەفتاگان نازناو عەباس خەتات و باڵای بریا، چوینکە تابلۆی دوکانەیل و دەر و دیوارەیل شار ئیلام فەیلی وە کڕە ڕەنگیلەیل پەنجەی ئەو هونەرمەنە هەڵڕازیانەو.
وتیش؛ رەحمەتی وەگەرد هاوڕیی هونەرکەن هاشم باڵیزبان درامای میللەتی کورد لە زنجیرە و دراما وەچین درامای میللەتی بەغدادی لە پارێزگای ئیلام باوەو کرد، وتیش؛ تا ئیسە ئەو شیوەی دراما چیرووکە کوڵەیلە لە هەمەڕەنگی کۆمەڵگا لەناو نەوەیل گەنجیش باوە.
وتیش؛ رەحمەتی لە ناودیارەیل هونەر عراقیە و هەسارەیگ بریقەدارە کەسایەتی جیاوازە و گورانیچڕ مەقامە لە ساڵ ١٩٣٨ لە باوگ و داڵگ کورد فەیلی لە ساڵ ١٩٣٨ لە کویچەی راس ساقیەی تسابیل لەداڵگبوی، وناو تەواوی عەباس باقرە وە نازناو خەتات فەیلی.
جی باسە کە عەباس کەهرسودی لە ساڵ ١٩٥٧ بەرنامە لە ئێزگە و تەلەفیزیۆن عراق لە بەغداد پیشکەش کرد، و دویای دامەزریان شانۆی پارێزگاگە، چەن شانۆگەرییگ پیشکەش کرد، و بەرنامەیل لە ئێزگە و تەلەفیزیۆن ناوەند ئیلام لە وەخت دامەزریانی تا ئیسە پیشکەش کرد.
