کووچکردن شاعریگ عراقی
2022-04-26T13:06:13+00:00
شەفەق نیوز/ دکتۆر حەسەن نازم وەزیر روشنهۊری و گەشتوگوزار و ئاسەواری عراق، ئمڕوو سێشەممە، سەرەخوەشی لە چینەیل ئەدەبی وە کووچکردن شاعر زوهێر بەهنام بەردا کرد.
وەزیرەگە لە پەیام پرسەنامەگەی وت: سەرەخوەشی لە چینەیل ئەدەبی و روشنهۊری وە کووچکردن سومبلیگ روشنهۊری و پێکەوەژیان، و دەنگ رەسەن ئەرا رەنگیگ لە رەنگەیل ئەدەب عراقی کەم، ک خوەی شاعر زوهێر بهنام بەرداس، و لە خودا داوا کەیمن وە درود فراوانی بپووشێدەی، و سەبووری کەسوکار و دووسەیلی بەێد.
شاعر زوهێر بهنام بەردا لە داڵگبوی ساڵ ١٩٥١ بوی لە قەزای حەمدانیە (بەغدیدا).
رەحمەتی ئەندام یەکیەتی ئەدیب و نویسەرەیل سریان بوی، و هەمیش ئەندام بوی لە یەکیەتی ئەدیب و نویسەرەیل عراق، و وەڕیەوبەر نۊسینگەی روشنهۊری سریانی لە یەکیەتی گشتی بوی.
