ھونەرمەن و دەرھێنەر کورد ناسر حەسەن تویش بیماری هاتییە
2022-07-01T07:00:00+00:00
شەفەق نیوز/ ناسر حەسەن ھونەرمەن و دەرھێنەر گەورەی کورد، ئیرەنگە بارودۆخ تەندروستی ناجیگیرە و لە خەسخانە خەفتیە، و نەشتەرگەریی خوازێد.
ناسر حەسەن ساڵ ١٩٤٧ لە خانەقین لەداڵگبویە، لە ساڵ ١٩٧١ پەیمانگەی ھونەرەجوانەگان بەغدا تەواو کردیە، لە ساڵ ١٩٨٢ جویر دەرھێنەر، دەرھێنان ئەرا فیلم سینەمایی و درامای تەلەفزیۆنی و کلیپ گورانی کردیە، ماوەیگیش وەڕیەوبەر گشتی سینەما بوی لە وەزارەت روشنهۊری و گەنجەیل ھەرێم کوردستان.
