گوشن کردن ئەنستیتو زانست دە رووژ زوان داڵگی
![گوشن کردن ئەنستیتو زانست دە رووژ زوان داڵگی](https://media.shafaq.com/media/arcella/1613856205108.jpeg)
شەفەق نیوز- ئەنستیتو فەرهەنگی زانست، دە ئیلام، وە بوونەێ (رووژ جەهانی زوان زگماکی) دە ئیلام، گوشن کریا.
جەواز ئی ئەنستیتووە وە بەرپرسی کامران رەحیمی، موحەقق و رووژنامەوان کورد فەیلی، لە لایەن وزارەت فەرهەنگ و ئرشاد ئێران، دریاگە.
ئەڕا بەرێوەبردن کار و بارەێل ئی ئەنستیتووە بڕێ لە موحەققەێل، دەبیرەێل ئەدەبیات، ماموستاێل زانکۆ، هووز سینما و تئاتر، رووژنامەوانەێل و چالاکەێل فەرهەنگی و ئەدبی ئوو بەشداری دکەن.
بڕێ لە هەدەفەێلەێ ئی ئەنسیتیتووە ئەیانەن: ئەوبان بردن زانست زوانەوانی و دەق و نەسر کوردی، وەدی کردن رێکارەێلێ ئەڕا دەرس داین وه زوان کوردی دە مەدرەسەێله و شوونەێلێ تر، ئستانداردسازی رێنووس و رێزوان کوردی و زوان نامجی کوردی دە ئوستانەێل لا خوار کوردستانات و دوفێشتر کوردی فەیلی.
کامران رەحیمی، کورد فەیلی ئیلامە ک دە ئەنستیتو کورد ئێران، ئوو جوور دهسەی نویسەران وەرزنامەێ پسپۆری زمانەوان، ئوو بەش کوردی (زوان ئیمە) ک نام لاپەڕەێ کوردی هەفتەنامەێ پەیک ئیلام بی، چالاکی داشتگە و ئامووژگاری زوان و رێزوان کوردی ئەڕا موعەلمەێل و زاڕوومەدرەسەێلە دە ئیلامیش دە کارنامەێ خوەێ دیرێ.