چوارمین فستیڤاڵ شعر کوردی "مناڵ" دە شاری ئەیوان دە پارێزگای ئیلامی فەیلی
ئەڕا چوارمین دەورە، فستیڤاڵ شێعری کوردی زاڕووانە وە ناو "جەشنوارەی شێعر کوردی مناڵ" لە لای دەبیرخانەی ئی فستیڤاڵ وە بەشداری بڕێ لە شاعرەیل شێعر مناڵانە خریا وە رێ.
ده ئی بهرنامه دوکتور سارا فهلاحی، نوێنهر ئیلام ده پارلمان ئێران وت: زوان کوردی، بهشێ له فهرههنک ئیمهسه ک لهی فهرههنگه جیا نیهکرییهیگ و بایهد ئهڔا گهشه داین وه هونهر ده ئیلام، پۊل فرهترێ بنرێ.
موحهمهد مورادینسار، سهرداوهر ئی دهورهیش ده یادداشتێ وهیجووره دهبارهی ئی جهشنواره نۊسان: ههرچهن ئهوهڵ گامهیل شێعر کوردی مناڵانه ده ئیلام، وه گهرد شێعرهیل زاڕووانهی مستهفا بهیگی (رودوس فهیلی) ئهڵگیریا، وهلێ هیچ چشتێ جوور ئی فستیڤاڵ مناڵ، نەتۊەنستگە وە شێعر مناڵانە دە ئیلام گەشە بدەێ و هیوداریمن ک بەرپرسەیل وە ئامووزش زوان کوردی وە مناڵ مەدرەسەیل، جوور حەقێ ک دە قانوون ئەساسی هاتگە بنووڕن و ئی دەین مناڵەیل کوردە لە مل خوەیان ئەو بخەن و ئامووزش زوان کوردی ئەڕا مەدرەسەیل دە ئیلام بنرێ.
ئەو لە مەیسەم خوڕانی، دەبیر ئی دەورە، وهل گشت دەسدەناوەیل ئی بەرنامە قەیرزانی کرد.
ئەڕا ئی دەورە .... ٥٠٦ پارچه شعر له ١٢٦ شاعر وه زاراوهیل جووراوجور كوردی ، شێعر کوردی مناڵانە لە پارێزگایل ئیلام و کرماشان و کوردستان و ئازەربایجان و لوڕستان و خوراسان، لە لاین گەورەساڵەیل کل کریا و .... مناڵیش دە بەش مناڵان بەشداری کردن.