وینە.. هەولێر پیشانگای وینەیل گەشتوگوزاری کوردستان گرێدە خوەی

وینە.. هەولێر پیشانگای وینەیل گەشتوگوزاری کوردستان گرێدە خوەی
2023-02-20T11:51:42+00:00
شەفەق نیوز/ لە شار هەولێر پایتەخت هەرێم کوردستان، ئمڕوو دووشەممە، پیشانگای وینەیل گەشتوگوزاری ساز کریا، وە بەشداریکردن دەیان وەینەگر.

راگەیانکار شاخەوان سەلاح ک لە پیشانگاگە بەشداری کەێد، ئەرا ئاژانس شەفەق نیوز وت: زیاتر لە ٥٠ وینەگر لەی پیشانگا بەشداری کردن، وە نمایشکردن بڕیگ لەو وینەیلە ک لەناو دیمەنەیل گەشتوگوزاری لە ناوچەیل هەرێم کوردستان گریانە، و دیاری کرد ک سازین پیشانگاگە ئەرا پشتگیریکردن خاوەنەیل ئی پیشە تیەێد.

 ئومێد بەرزنجی ک لەناو پیشانگاگە بەشداری کەێد، ئەرا ئاژانس شەفەق نیوز وت: گرنگی ئی پیشانگا کەفێدە زاقکردن لایەنە رەگینەیل لە ناوچەیل هەرێم کوردستان، و یەیش گاڵ ئەوانە دەێد ک نووڕنە ئی وینەیلە تا سەردان ئی ناوچەیلە بکەن.

بڕ گەورەیگ لە وینەگرەیل فۆتۆگرافی وەگەرد بخوازەیل هونەر و وینەگردن لە گشت پارێزگایل هەرێم کوردستان ئامادەی پیشانگاگە بوین.

Shafaq Live
Shafaq Live