وێنەیل جۆلیا چیرنیشیڤا

ەفەق نیوز/ جۆلیا چیرنیشیڤا خانمیگە ویەنەگر رووسی، ئۊیشد: ئەو چشتەیل چەسپیاگە جۊر خوەیان لە دیدە و هەسمان نیین.   

جۆلیا چیرنیشیڤا، پاپای جەهان مۆدە و وینەگرد نوو ئی سەردەمە نییە، وێنەیل خوەی جۊر باسکردنیگ سەردەمی وەباوەت ئایەم نشان دەێد، چۊر هەسی و تەنیایی و بیئومیدی.    

دەسکردە نشاندان ئەو شیوەیلە، و رەنگ و رووشنایی وەکار هاورد، تا قۊیلی واتەی پشت ئەو وینەیلە نشان بەێد، رەنگەیلیگ وەکار تیارێد تا بیلێد تەماشاکەرەگە وە پشت هەسەیلی پەیوەندییگ لەناویان پەیا بکەێد، جۊر رەنگ سوور ک سومبل دووسیە و چەرمگ ک نشانەی پاکیە، و وەگورەی یاسای نیوتن، لەیەکلا رەنگ سەرد وەکار تیارێد و لەیەکلا رەنگ گەرم.    

چیرنیشیڤا شیوەی قۊلی و واتەی پشت سیمایل وینەیلی قە هەس مرۆیی دروس کەێد.     دەس و پای بەسیاگ و لەش پیچیاگ       

ئەو پڕۆژەیە ک وەناونشان  "Captured Body" بۊێ، ئەرا دروسکردن پۆرترێە خوەیەتی کرد باس لە هۊرکردن و هەسەیلیگ کەێد دەربارەی پاوەنی و ململانەیل بیئومیدی و رەنج بیوەری، ک وینەگە وە دلنگ چەرمگ لەژیر رووشنایی فرەیگ گردگە، یا پارچەیل دڵنگ دڕیاگ، و هەمیشە بەن سووریگ پیچیاسە دەوری، تا سوورەگە نشان چشتیگ نەگونجیاگ وەگەرد شیمانە بەێد، ک خوازێد وە رەنگە سوورەگە نشان نائارامی و تۆڕەیی وخۊن و دووسی بەێد.