وە بەشداری خانەقین.. رووشنهویری گەرمیان پێشانگایگ شێوەکاری ئەرا خانمە هونەرمەنەیل کورد وازکەێد (وینە)
وەڕێوەبەر گشتی رووشنهویری و هونەر لە گەرمیان عادل حەسەن وە ئاژانس شەفەق نیوز وت، "پێشانگاگە وە سەرپەرشتی سەرپەرشتیار ئیدارەی گەرمیان و ئامادەبوین وەڕێوەبەرەیل گشتی و شمارەیگ لە هونەرمەن و رووشنهویرەیل وازکریا لە هۆڵ پێشانگا لە دیوان وەڕێوەبەرایەتی گشتی رووشنهویری و هونەر لە گەرمیان".
ئاشکەرایکرد "پێشانگاگە زیاترلە 25 تابلۆی شێوەکاری قەبارە جیاواز 25 خانمە هونەرمەن گردەخوەی، لەریەو خەون و ئاوات ژنەیل و گرنگیدانیان لە کۆمەڵگە گردەخوەی نیشان دریا".
وتیش، "ئیمە دڵخوەشین وە وازکردن ئێ پێشانگایە ئەرا کۆمەڵە هونەرمەنیگ کە رەنگینی و گیان ژن کوردی لە ری تابلۆیەیلیان وە رەنگەیل گەش رەنگین نیشاندەن" دیاریکرد "پێشانگاگە دوو رووژ وەردەوام بوود".
هەمیش، هونەرمەن عەباس زەهاوی وە ئاژانس شەفەق نیوز وت "خانمە هونەرمەنەیل خانەقین وە وینەی ناوازە و لەی پێشانگایە بەشدارن کە یەکەم جویرە لە گەرمیان خانەقینیەیل وە 7 تابلۆی قەبارە (50*70) بەشدارن وە کارەیل ناوازە و جیاواز لە بڕیگ تابلۆ قاوە وەکارهاوریاس، لە وەختیگ بڕیگ لە خانمە هونەرمەنەیل خانەقینی سرووشت و رەنگینی و سووری لە تابلۆگانیان دەرخسنە".
دووپاتکرد "خانمە هونەرمەنەیل خانەقین توانای هونەری گەپیگ دیرن و داوا لە لایەنە پەیوەنیدارەیل کەیمن پاڵپشتیان بکەن ئەرا وە بازاڕیۆردن کارەیل هونەریان".
