وەئامادەبوین هونەرمەن و روشنهویرەیل.. هەولێر ساڵیاد ماملێ زنی کەێد.. وینە
رسوومەیل لە هۆل پێشەوا لەناو وەزارەت روشنهویری و گەنج لە حکومەت هەرێم کوردستان وەڕیەو چگ.
لەناو رسوومەیل، ساڵیاد مردن هونەرمەن گورانیچڕ کورد محمد ماملێ وە چەن گورانییگ وەدەنگ خوەی، وەگەرد پیشانگای بویچگیگ ئەرا وینەیل هونەرمەن کووچکردگ زنیەو کریا.
ئومێد خۆشناو پارێزگار هەولێر لە وتاریگ لەناو ئەو رسوومەیلە ک ئاژانس شەفەق نیوز ئامادەی بوی وت: هونەرمەن ماملێ مەکتەویگ ئەرا گورانی کوردی بوی، ک هیمان تا ئمڕوو گووش لە گورانیەیلی گریەێد.
خۆشناو وتیش: گرنگی ئی هونەرمەنە ها ئەوە ک لە گورانیەیلی پشت وە وەکارهاوردن وشەی شاعرەیل کورد ناودار بەساد، و ئەو کارە هوکار بوی لە خزمەتکردن ئەدەب و شیعر کوردی، وەگەرد خزمەتکردن هونەر کوردی.
هونەرمەن محمد ماملێ، لە شار مەهاباد لە داڵگ بویە، لەساڵ ١٩٩٩ لە میلکان خوەی دویاکووچی کرد، و میراتی هونەری گەورەیگ هیشتە جی، ک لە هەرێم کوردستان و ئیران وەشیوەی گەورەیگ وەناوبانگ بوی.
