هونەرمەن گورانیچڕ، میران عەلی گورانییگ ئەرا نەورۆز ئامادەکەێد
2023-02-28T13:35:21+00:00
شەفەق نیوز/ هونەرمەن میران عەلی وە بەرهەمیگ شاد وەگەرد هەڵپەرکەی کوردی پیشوازی لە جەژن نەوروز کەێد.
میران لە هەشمار فەرمی خوەی لەبان تووڕ کۆمەڵایەتی فەیسبووک وەگەرد بڵاوکردن کوڵگە ڤیدیۆیگ لە وەخت توومار ڤیدیۆگە نویسایە" هەر لەئیسەو نەوروز لەلیدان پیروز بوود، جویر ئەوەگ گشتمان زانیمن ئمساڵ لەوەر مانگ پیرۆز رەمەزان لەناو وەهار نیەتوەنیمن بچیمن ئەرا سەیران و گەردین، وەمدوویە وەپیمان خاستر بوی زویتر ئی بەرهەمە بخەیمنە خزمەت ئیوە".
بەرهەمەگە کاریگ هاوبەشیە وەگەرد فەرشاد ئەمینی لە 2 ئازار 2023 لە ساعەت هەشت شەو لە چاناڵ میران عەلی لە یوتیوب بڵاوبوود.
میران عەلی لەداڵگبوی ساڵ 1995ه، خەڵک شار سلێمانیە، سەرەتای کار هونەری گلەوخوەێد ئەرا بەشداریکردنی له پرۆگرام "خوەشترین دەنگ"، خاوەن چەن کلیپ و دوێتیگە.
