هاتێ خانمە ئەکتەریگ لە جیای جۆنی دیپ رۆل جاک سپارۆ وەربگرێد
2024-02-10T09:03:24+00:00
شەفەق نیوز/ قسەوباس ئەوەگ هەس خانمە ئەکتەر ئایۆ ئیدێبیری شوین جۆنی دیپ گرێد و لە ئایندە لە فلیم چەتەیل دەریایی کاریبیرۆل کاراکتەر جاک سپارۆ دوینێد.
ماڵپەڕی "جۆو ئینتەرتەینمێنت" لە درویژەی خەوەرەگە راگەیاندیە،یەی لەدویای وردەورد فرەیگ تێد لە دەورە بەش شەشەم چەتەیل دەریای کاریبی، دویای ئەوەگ جۆنی دیپ خوەی لە دێزنی دویر خست لەوەر پشتگیری نەکردنیلەوەخت دادگاییکردنەگە ناوزڕانەگەی لە وەرانوەر ئامبەر هێرد.
لە وەرجەیە پرسیار لەو ئەکتەرە کریا وە ئەگەر دیزنی وە 300 ملیۆن دۆلار بتواێد گلەو بخوەێد ئەرا رۆل دین کارەکتەر جاک سپارۆ هیلێد گلەوبخوەێد و بۆچون ئاڵشت بکەێد؟
جۆنی دێپ لە جواو وت "نەخێر، هەرگیز".
جێری برۆکهایمەر بەرهەمهێنەر زنجیرە فیلمەگە لە لێدوانیگ راگەیان "ئێمە بیرۆکیگ دیریمن ئەرا ماەیگ کار لەبانی کەێمن کە پاڵەوانیگ مایە بارینە ناو فلیمەگە توایمن جویرە چیرۆکیگ جیاونز پێشکەش بکەێن، یەکەم جار مارگۆت رۆبی هەڵوژێریابوی، ئیرنگە ئایۆ ئیدێبیری هاتێ هاوکارمان بوود".
