هەردی سەلامی بەرهەم نوویگ بڵاوکەێد

شەفەق نیوز/ هونەرمەن گورانیچڕ هەردی سەلامی نووترین بەرهەم خوەی وە ناو "تاتۆ" بڵاوکرد.

هونەرمەن هەردی سەلامی لە هەشمار فەرمی خوەی لە تووڕ کۆمەڵایەتی ئینستاگرام باس لە گورانی نوویگ کردیە لە نویسین و میوزیک خوەیە، و ئەفشین شوکری کار ئەرجیمێنتی کردیە کار میکس و ماسترینگی وەلایەن سیامەک فەخریزادەوە کریایە.

هەردی سەلامی، لە ساڵ ١٩٨٧لە سلێمانی لەداڵگبویە، دەرچگ بەش شانۆیە لە پەیمانگای هونەرە جوانەگان، سەرەتا جویر دەرهێنەر کارکردیە، خاوەن چەندین گورانی  و ڤیدیۆ کلیپە.