نانسی‌ دووس كام گورانیچڕ دیرێ‌؟

نانسی‌ دووس كام گورانیچڕ دیرێ‌؟
2012-06-10T11:28:51+00:00
ئاشكراكرد ك‌ فره‌ دووس‌ ده‌نگ‌ جۆرج وسوف دیرێ‌.

له‌ چه‌ووه‌پێكه‌فتنێگ وه‌ل گۆڤار‌"سیدتی‌" نانسی‌ وتگه‌ ك فره‌ گووش له‌ راغب عه‌لامه‌ و جۆرج وسوف و ئه‌حلام ته‌كنێ, له‌ناویانیش زیاتر گووش‌ له‌ جۆرج وسوف ته‌كنێ وه‌ تایبه‌تی‌ گورانیه‌یل‌ "الحبایب " و " یللی‌ تعبنا سنین " و " جرحونا برمش عین".

له‌پرسیار ئه‌وه‌گ‌ وه‌ چ خانمه‌ گورانیچڕیگ ناسریاگه‌، نانسی‌ وت‌ ك‌ ئه‌و وه‌رجله‌ ئه‌وه‌گ‌ ناوداره‌و بوود زیاتر گووش‌ له‌ نوال زوغبی‌ ته‌كانیاد.

هه‌میش وت‌ هه‌ر وه‌رجله‌ ئه‌وه‌گ‌ ناو ده‌ربكا زیاتر گووش‌ له‌ گورانیه‌یل‌ راغب عه‌لامه‌ ته‌كانیاد، وه‌لی دویای‌ ناو ده‌ركردن زیاتر گووش‌ له‌ جۆرج وسوف ته‌كنێ.

هه‌میش له‌پرسیار ئه‌وه‌گ‌ دووس دیرێ وه‌ل چ گورانیبچڕێگ كۆنسێرت و ئاهه‌نگ سازبكا، نانسی‌ ئاماژه‌‌ ئه‌را ئه‌وه‌ كرد ك‌ ئه‌و دووس دیرێ وه‌ ته‌نیا كۆنسێرت سازبكا، وه‌لی ئه‌گه‌ر گورانیچڕێگ سه‌ركه‌فتگ بوود ئاماده‌س‌ وه‌لیا كۆنسێرت‌ سازبكا.

ا.ج
Shafaq Live
Shafaq Live