نەینەوا فیستواڵیگ ئەرا مۆسیقا سازێد
شەفەق نیوز/ شار موسڵ، میوانداری فیستواڵ (مەقام) موسڵ ئەرا مۆسیقا کرد، کە لە پڕۆژەی مقیەتیکردن و ئەرشیڤکردن کەلتوور مۆسیقای موسڵ و گشت کەلەپوور لە پارێزگای نەینەوا تیەێد.
مەحمود جمعە سەرپەرشتیار پڕۆژەی ئەرشیڤکردن کەلتوور مۆسیقای نەینەوا ئەرا ئاژانس شەفەق نیوز وت: ئی فیستواڵە کە لە موسڵ سازیا، گامیگە لە بەرنامەی پڕۆژەی مقیەتیکردن کولتوور مۆسیقای شار موسڵ و گشت پارێزگای نەینەوا.
وتیش؛ پڕۆژەگە لە چەودیاریکردن و سپۆنسەر ئەنجومەن کەلتوری بەریتانیاس وە هاوبەشی زانکۆی ئیکسل بەریتانی و زانکۆی ئەمریکی لە سلێمانی، وتیش: فیستواڵەگە گرنگی وە زنیکردن مەقام عراقی لە موسڵ دەێد، هەمیش خوازێد مۆسیقای نوویگ دروس بکەێد وە تیکەڵکردن مۆسیقای فۆلکلۆری و نوو وە ئامرازەیل خوەرئاوایی لەناو موسیقای خوەرهەڵاتی.
جمعە وتیش: ئی کارەیلە ژیان رووشنهویری ئەرا شار موسڵ گلەو دەن، دویای ساڵەیل جەنگ و ویرانکاری.
