"نیشان یەکم هونەری ئێران" ئەڕا ماموستای کورد
شەفەق نیوز/ اللە‌یاری، بەرپرس گشتی نووسینگەێ مووسیقی وزارەت فەرهەنگ و ئرشاد ئسڵامی ئێران وەرد بڕێ تر لە گەوراێل و کەسایەتییەێل مووسیقی ئێران، چگنە ماڵ ماموستا "موحەمەد جەلیل عەندەلیبی" ئوستاد پایەبەرز مووسیقی کوردی و ئێران، و رێزداری لەێ کردن.
بەرپرس مووسیقی ئێران وت: ئیمە بایەد دە تالار روودەکی ئوو دە وەر چەم وڵاتوەندەێلە، وەێجوورە رێزداری بگرتایمن ئوو وە خاتر نواگیری لە کورونا، خوەمان دیریمن دچیمن ماڵ گەوراێلە ئوو خەڵاتی ئەوان دکەیمن و نیشان یەکم هونەری ئوو مەدرەک و گەواهینامەێ دەرەجە یەک هونەری ددەیمن وەێیان.
جەلیل عەندەلیبی، لە سێزدە ساڵانەو دە شار سنە "سەنەندج" دەس‌کردگەسە کار مووسیقی و ئوو تا پلەێ رێبەری ئورکستر سوننەتینووسینگەێ مووسیقی بییە.
ئەوی دە دەورەێ بیس و سێیم فستیواڵ مووسیقی فەجر ئێرانئ و دە تالار وەحدەت تێهران، کارێ دە مل مەسنەوی مەولەوی وەگەرد ژنەگەێ ئەنجام دا ک خوەێ بنەڕاناین یەکجوور مووسیقی ئایینی ئەڕا ژنان بی.
