ژنیگ دەسدرویژی لەبان ئەکتەر چارلی شین کەێد
2023-12-23T09:32:20+00:00
شەفەق نیوز/ ئەسارەی زنجیرەی Two and a Half Men، ئەکتەر ئەمریکی ناودیار چارلی شی، لەناو ماڵەگەی خوەی لە مالیبۆ کەفتە وەر دەسدرویژی وەلایەن ژنیگ، کە وەگورەی قسەی پولیس دویای ئەوە دەسگیر کریا.
نویسینگەی وەرپرس پولیس لە بەیاننامەیگ وت: پولیس کەرت لۆس ئەنجلۆس رەسینە ڤیلاس گرانبەهای ئەکتەرەگە دویای رەسین ئاگاداری وە دەسدرویژی، وەگورەی خەوەر فرانس پرێس.
دەرکەفت کە ئەکتەرەگە کەفتیەسە وەر دەسدرویژی، وەلایەن ئەو ژنە وەناو ئیلیکترا شرۆک کە وە توومەت دەسدرویژی وە چەک بکوش دەسگیر کریا.
بەیانامەگە دیاری کرد کە ژنەگە پەلامار ئەکتەر چارلی شین دا هەناێ دەر ئەرای واز کردیە.
سایت (ای ئێم ژی) کە خەوەر ناودیارەیل بڵاو کەێد وت: ئیلیکترا شرۆک لەتەمەن ٤٧ ساڵە، هاوسای چارلی شینە، وتیش؛ شەوی لەوەر چارلی دڕیە و تواستیە بتاسنێدەی، و کەسەیلیگ رەسینە هاناێ.
سایتەگە وتیش؛ یە یەکەمین گلە نیە ئی کارە بکەفێدە ناوەین ئی دوو هاوسا.
