مووزەی سیامەند گوشن دکرێ
شەفەق نیوز- بەرپرس فدراسیوون پارائوڵەمپیک ئێران وتگە ک ئەڕا رێزداری لە پاڵەوان سێامەند رەحمان، ئی سێ‌شەمە مووزەخانەێ تایبەتی سیامەند، وە بەشداری بڕێ لە بەرپرسەێل پارائوڵەمپیک جەهان و ئێران، وازەو دکرێ.
ئەوی وتگە: بێ ژە قارەمانی دنیا و ئوڵەمپیک، هێمانیش باس خوڵک خوەش و پاڵەوانی ئی وەرزێشتکارە ها سەر زار و زوان گشت ئێران و دنیا.
ئەوی دۆماجار وتگە: بێ ژە ئی مووزە، ناین داستان ژیانێ دە کتاو مەدرەسەێل، سازین فیلم و نووساننن کتاو ژیاننامەگەێ، ئوو بنەڕاناین (خەڵات گەورای سیامەند) لە کارەێلێگە ک دخوازیمن ئەڕاێ بکەیمن.
ئی پاڵەوان کوردە ک خەڵک شنۆ بی، کەمئەندام بی و هە دە بان ویلچرەو ملوەنەیل جەهانی و ئوڵەمپیکی فرەیێگ هاورد و وەداخەوە، دە نام ئاخین و داخین وڵاتوەندەێل شنۆ و گشت ئێران و جەهان، پارەکە هە دەو هه‌نسا ک گوڕج خوەێیەو دکرد ئەڕا وازییەێل ئوڵەمپیک کەم‌ئەندامەێل، کوت و پڕ مرد.
