مردن گورانیچڕ ناودیاریگ ئیرانی "گۆلپا" خاوەن "قوڕگ تەڵایی"

پێگەیل ئیرانی کە ئاژانس شەفەق نیوز وە دویاگن ئەرای کردیە ئەرا محەمەد عەلی گۆلپایگانی  برای گورانیچڕە " قوڕگ تەڵاییەگە" گە کە خاوەن هەوادار فرەیگە لە  ئیران.

ئەکبەر گۆلپایگانی لە 10 بەهمەن 1312 هـ (4 کانون دویەم 1934 ) لە تەهران لەداڵگبویە، خاوەن چوار براس وە ناوەیل عەباس و حەسەن (ماموسای دەنگ و ماموسای زانکۆ)، محەمەد ( گورانیچڕ ناودیار وە ناو گۆلریز) مەحموود (ئەندازیار و مامووسای دەنگ) و یەک خوەشگ وە ناو مەریەم.

ئەکبەر گۆلپایگانی  پلەی ئەرا ناودارەیل بەرزەوبوی بویە یەکیگ لە ئاسارە درەخشەندەیل موسیقای ئیرانی، کارەیلی رەگن موسیقای ئیرانی رەسەن و ئاسەوار موسیقای بۆب ئەڵگردیە، سەنج نەوەیل و گەنجەیل وەرین وەرەو لای خوەی کیشایە.

یەکەم کار دەنگی گۆلپایگانی لە ساڵ 1328 بویە هەنای ها لە تەمەن 16 ساڵان لە کووبوینەوەیگ تایوەت لەناو ماڵ مامووسا مورتەزا خان مەحجوبی و بانوو قەمەر ملوک وەزیری و سەعادەتمەند قۆمی و عەلی تەجویدی و حسێن تەهرانی.

لە ساڵ 1335 ئاهەنگیگ گورانیچڕین لە رێکخریاگ  یونسکۆ ئەنجامدا وە بانگهێشتکرد رێکخریاگەگە ک یەکەمین گورانیچڕ ئیرانی بوی ئاهەنگ لە دەێشت ئیران سازبکەێد.