مردن و زەخمداربوین وە تەقەکردن لە ویلایەتیگ ئەمریکا

شەفەق نیوز/  پۆلیس ئەمریکا، ئمڕوو جومعە، خەوەردا لە کوشیان دوو کەس و زەخمداری هەشت کەستر لە ئەنجام گولە تەقانن لە ویلایەت شیکاگۆ.  

پۆلیس لە بەیاننامیگ وت،" تەقەکردنەگە لە ساعات 10:40 دویەشەو پەنجشەممە رویدایە له نزیک چێشتخانەیگ لەلای باکوور  نزیک لە شارەگە. 

وتیش، کەسیگ دەسگیر کریایە ک چەک وەپی بویە، وەبی ئەوەی باس لە هویردەکاری زیاتر بکەێد لەباوەت مردگەیل و زەخمدارەیل و ئاشکەرای ناسنامەی بکوشەگە و هووکارەیلیشی ئاشکەرا نەکردیە. 

لە توێژینەوەیگ ک رووژنامەنویس وول ستریت جۆرناڵ پارکە ئەنجامی دا، دیاری کەێد رێژەی کوشتن لە شیکاگۆ رەسیەسە 27.8 کوشیان لە 100 هەزار کەس، و یەیش بەرزترین رێژەس لە سال 1996 تا ئیسە، یەیش بویەسە نموونەیگ ئەرا تاوان لە ولایەتەیل یەکگرتگ.