مردن یەکیگ لە ئەسارەیل زنجیرەی برێکینگ باد
2023-08-06T05:44:14+00:00
شەفەق نیوز/ ئەکتەر ئەمریکی مارک مارگۆلیس کە لە زنجیرەی "Breaking Bad" و "Better Call Soul" رۆڵ هیکتۆر سالامانکا گەورەی باند مادەی هووشبەرەیل دوینست، لە تەمەن ٨٣ ساڵی کووچ دویایی کرد.
وەگورەی بەیاننامەیگ وەلایەن بنەماڵەگەی بڵاو کریا، ئەکتەرەگە دویای "بیمارییگ کوڵ" لە خەسەخانەی نیویۆرک گیانی لەدەسدایە، کە ژنەگەی و کوڕەگەی لەدەوری بوینە.
برایان کرانستۆن، ئەسارەی زنجیرەی "Breaking Bad" کە رۆڵ واڵتەر وایت رانێد، لە تووڕ کۆمەڵایەتی ئینستاگرام نویسانیە "مارک مارگۆلیس ئەکتەریگ گەورە و مەرد خاسیگ بوی، لە دەیشت وینەگرد زنجیرەگە ئاسان و رویخوەش بوی، و لە مەوقەی وینەگردن سام فرەیگ داشت.
مارگۆلیس لە ساڵ ١٩٣٩ لە شار فیلادلفیا لەداڵگبویە، و چیەسە نیویۆرک تا بچوودە ناو جەهان ئەکتەری.
