مردن کیرستی ئالی خانمە ئەکتەر ئەمریکی
شەفەق نیوز/ خانمە ئەکتەر ئەمریکی کیرستی ئالی، ک لە نەوەتەیل سەدەی گوزەشتە ئەسارەگەی بەرز بوی، ئمڕوو دووشەممە، لە تەمەن ٧١ ساڵان، دویاکووچی کرد.
کوڕ و دویەتەگەی لەبان هەژمار فەرمیی لەبان تویتەر بەیاننامەی مردنی بڵاو کردن ک نویسانن: دویای وەرگردن چارەسەری لە کانسەر لە خەسەخانەی موفێت لە فلۆریدا گیانی لەدەسدا.
ترو و لیلی بارکەر وتنیش: ئەرا گشت برادەرەیلمان لە جەهان.. خەفەبتاریمن ک خەوەرداردان وە مردن داڵگ نازار و هازدارمان کەیمن دویای جەنگیگ وەرد بیماری کانسەر.
کیرستی دوو خەڵات ئیمی و گۆڵدن گڵۆب لە ساڵ ١٩٩١ وەدەس هاورد، ئەوەیش لە رۆل کەسایەتی ریبیکا هاو لە زنجیرەی کۆمیدی «چیرز» لەبان تووڕ «ئێن بی سی» لە ساڵەیل ١٩٨٧ و ١٩٩٣.
لە ساڵ ١٩٩٤ لە فلیم تەلەفزیۆنی «دێڤید مادەر» خەڵات ئیمی وەدەس هاوڕد، وەلێ دویای بەشداریکردنی لە پاڵەوانی فیلم «لوک هوز تۆکینگ» وەگەرد جۆن تڕاڤوڵتا ئەسارەگەی بەرزەو بوی.
