مردن ئاوازدانە دیار و ناسریاگ فینلەندی کایا سەریاهۆ
بنەماڵەی ساریاهۆ لە بەیاننامەیگ وتن: ئەو ئاوازدانەرە ک لە سەرەتای ساڵ ٢٠٢١ەو تویش بیماری شێرپەنجە بویە، "لە بان جیەگەی لە ماڵەگەی خوەی لە پاریس" گیانی لەدەسدا، لە خود وەختەگە کۆمپانیای بەرهەمهاوردن مۆسیقای "چێستەر میوزیک" ک ئەو لە ساڵ ١٩٨٦ەو هاوکاریی کردگە باس "خەبات"ی وەرانەوەر بیماریەگە کرد.
بڕیگ ئۆپێراخانە، جویر ئۆپێرا شاهانەی لەندەن، خەم و خەفەت خوەیان ئەرا مردن ساریاهۆ نشان دان، و "یەکیگ لە گرنگترین ئاوازدانەریل سەردەم ئیمە" باسی کردن.
هۆڵ کارنێگی لە نیویۆرک و ئۆپێرا دی پاریس و ماڵ فێنچە لە ڤێنیسیا لە ئیتاڵیا، ریز خوەیان لە گیان ئاوازدانەر کووچکردگ نان، کەدیارترینی نەوەیگ هونەرمەن فینلەندی بوی و یەکیگ بوی لەو ژنە دەگمەنەیلە ک توەنست لە بوارەگە ک هیمان پیاوەیل لەبانی زاڵن جیاواز دەربکەفن.
لە فەرەنسا ک لە هەشتایل سەدەی بیسەمەو وەگەرد شویەگەی ئاوازدانەر ژان باپتیست باریێر ژیان کەێد، کایا ساریاهۆ خەڵات "ڤیکتۆریا"ی ساڵ ٢٠٢٢ لە بەش مۆسیقای کلاسیک وەدەس هاورد، لەبان کارەیل ئۆپێرایی "بی تاوان" لە دەسنشانکردن تەقەکردن لە قوتابخانەیگ.
ساریاهۆ تا ماوەی هەفت ساڵ لەی ئۆپێرا کار کرد، ک دوو هاونیشتیمانی لەناوی بەشداری کردن، خانمە رووماننویس سۆفی ئۆکسانێن ک دەق رەسەنی نویسایە، و سوزانا مالکی وەڕێوەبەر ئۆکسترا.
لە بەرهەمەیل ناودیار وەرین ئۆپێرای "دووسی لە دویرەو" ئەرا لە ساڵ ٢٠٠٠ ک پیتەر سێلارسەو دەرهینەری بوی و لە بنەمای کتاویگ رووماننویسی فەرەنسی-لوبنانی ئەمین مەعلوف بوی.
