مادۆنا لەبان رخنەگرەیل ستایڵ تووی تیەێدە دەنگ

مادۆنا لەبان رخنەگرەیل ستایڵ تووی تیەێدە دەنگ
2023-02-08T11:50:46+00:00
شەفەق نیوز/ دویای ئەو رەخنەیل تاڵە لەبان روخسار ئاڵشبویی ک لەناو ئاهەنگ خەڵات گرامی وەپی دیار دا، خانمە جورانیچڕ ئەمریکی مادۆنا، بیدەنگی شکان، و ئەوەیش وەقسە پەلامار رخنەگرەیل دا.

مادۆنا ئەسارەی گورانی ئەمریکی، لە تەمەن ٦٤ ساڵە، یەکیگ لە خەڵاتەیل لە ئاهەنگ گرامی پیشکەش کرد، وەلێ ستایڵ و نیولوک و روخسارە نووەگەی سەرسام کەسەیل فرەیگ کرد، ک لەبان سۆشیال میدیا باسی کردن.

مادۆنا فرە ئاڵشت بویە، ک گوپەیلی گەورە کردیە، و پووس دەمچەوی وەشیوەی ئاشکرایگ کیشاگە، و برویەیلی فرە باریک بوینە.

لەبان ئەو قسەیلە، مادۆنا ڤیدوێگ لەو ئاهەنگە بڵاو کرد، و وت: کامیراگە فرە نزیکیەو کردیە، و روخساری شیوانیە، ک وینەیل جویر راسیگە نییە.

وتیش: لەجیای ئەوە ک گووش لە وتارەگەم بگرن، فرە کەس تەنیا باس وینەیلیگ کردن ک وە کامیرایل کابرایگ گیریانە ک خوازێد دەمچەو کەسیگ بشیونێد.

وتیش: جاریگتر لەناو دووچەوەکی لە تەمەن و خوەسەهاتن لە ژن گیر هاتمە، ک چیەسە ناو ئی جەهانە ک لەناوی ژیان کەیمن.

Shafaq Live
Shafaq Live