لە کناراو سێ دەوڵەت نهێنیه‌گه چه‌س ..''كەشتیه‌یل موكڵه‌یل '' تەرم هەڵگرن
شەفەق نیوز/ لە ساڵەیل فرەیگەو، کناراو باکووری یابان، دیمەن ترسناكێگ وەخوەی دوینێد، كەشتیەیل چووینیگ رەسنە کناراوەگە، و تەرم کۆریای باکووریەگان هەڵگردگە. بەڵکم لە ساڵ ٢٠١٧ ژمارەگە سەرسام كردیاد، چوونکە زیاتر لە هەزار كەشتی رەسیە ئی کناراوەیلە، بڕیگیان وەچووڵی مەننە، و بریگیان چەن کەسیگ مردگ هاناویان. لە ساڵە وەرینەگەی، ٢٠١٦، ئاو دەریاگە ٦٦ كەشتی دەڵەکدا، و هیمان تا ئیسە ئەو دیمەنە نەوسیاگە.
وەگورەی راپۆرتیگ ئەرا تووڕ سی ئین ئین خەوەری ئەمریکی؛ كەشتیەیل موكڵه‌یل تا ئیسە کەسیگ لەلیان نەڕەسیەسەو. بەڵکم لە رەسینەوە نا یەکلاییەگان، یەکیگ لە پاسەوانەیل کناراوەیل یابان ئووشێد کارەگە هادەس کەشوهەوا، و مەزەنە کرد ک بڕیگ كەشتی کۆنە لە کۆریای باکوور هانە شون ئی کارەسات دوباره‌وبویە، بەڵکم کارەگە جوور چەوچەیگە سەرسام دەسەڵاتەیل کردگە. یەک چشتیگ هاوبەش هالە ناونی ئی كەشتیەیلە، ک گشتیان کۆنەو داڕزیاگن.
رێکخراویگ قانجازنه‌خواز ك پەیوەندی وەل باوەتەیل راو دیرێد، تەقەلا دا ئەرا پێشکەشکردن رەسینەوەی نوویگ ئەرا ئی کارە، ک تووێژینەوەیگ ''گلۆبل فیشنگ ووتچ'' ئەنجامی داگە ئووشێد: وڵات چین هالە شوون ئی رووداوەیلە وەهووکار بڕە كەشتیە تاریکەیلەگەی.
توێژینەوکارەیل لە رێکخراوەگە وە چەن تەکنیکیگ پەنا بردن، لەلیان وینەیل مانگە دەسکرتیەگانە، ئەرا شیەوکردن جوولەی دەریایی لە ناوچەگە لە ماوەی دوو ساڵ ٢٠١٧و ٢٠١٨ .
ئی سەدان كەشتیەیل راو چینیە لە وەرانوەر کناراو کۆریای باکووری وەشیوەیگ نا یاسایی، ک هیشت کۆریای باکووریەگان رییگ دریژتر لە دەریا بووڕن وە مینەی ماسی، تا رەسنە کناراوەیل یابانی و چینی.
و لەیرا کارەساتەگە روودەێد، چوونکە گەشتیەیل راو کۆریای باکووری نەگونجیاگە و ئامادەنەکریاگە ئەرا بڕین مه‌ودای دویریگ، ک کردەیانە نەیچیر ئاسانیگ ئەرا شەپۆل دەریاگە لەوەخت توفان.
رێکخراوە ناودەوڵەتیەگە وت: رەوانگەی دەور ٩٠٠ كەشتی راو چینی کردگە لە ٢٠١٧ و ٧٠٠ كەشتی لە ٢٠١٨ ، لە ئاو کۆریای باکووری، لەبان قەیەغەی ناودەوڵەتی لە راوکردن ماسی لەورا، یا سەنین ئاژەڵە دەریاییەگان لە بیونگ بانگ لەوەر سزاگان.
جایۆنک بارک توێژینەوەکاره سەرەکیەگە وت: ئەو تاوانە ک چین کەێدەی گەوراترین راوکردن نا یاساییە ئەو كەشتیەیلە ک لە دەوڵەتەگەیەو هاتنە ئەنجامی دەن تا لە ئاو دەوڵەتیگ تر ماسی بگرن
