له‌نجه‌ به‌رهه‌م تازه‌ دێرێ‌

هونه‌رمه‌ند له‌نجه‌ له‌وباره‌وه‌ وت: ئه‌ڕا ئه‌نجامداين و ته‌واوكردن چه‌ن كارێگ هونه‌ری بڕیاردام بامه‌و ئه‌ڕا شار سلێمانی تا چه‌ن كارێگ نوو ئه‌نجام بيه‌م و گورانی باخه‌وانیش وێنه‌ گردمه‌و خوازم له‌ سلێمانی كار مۆنتاژ ئه‌ڕاێ بكه‌م و له‌ ئایینده‌یگ نزیك بڵاویه‌وبكه‌م‌.

وتیش: وه‌ گووشته‌كنه‌يليشم ئويشم ك چه‌وه‌ڕێ كار نوو بوون چونكه‌ ماوه‌یگه‌‌ كار تازه‌ بڵاونه‌كردمه‌سه‌و‌، ئيسه‌ خه‌ريك كاركردنم ئه‌ڕا ئاماده‌كردن یه‌كه‌مین ئه‌لبوم تایبه‌ت وه‌خوه‌م چوينكه‌ تائيسه‌ كاره‌گانم سینگڵ بوين و سی دی نه‌ياشتمه‌‌و گووشته‌كنه‌يلميش هه‌میشه‌ داوا له‌ليم ‌كه‌ن به‌رهه‌گانم له‌ ئه‌لبومێگ جه‌مه‌و بكه‌م ‌و بڵاویه‌وبكه‌م‌، وه‌يخاتره‌ منیش وه‌ل هاوسه‌ره‌گه‌م ك‌ موزیكژه‌نه‌ بڕیاردايم یه‌كه‌مین سی دی بڵاوه‌و بكه‌یم ئه‌ڕا ئه‌وه‌گ زیاتر كاره‌گانم بچنه‌ ناو جه‌ماوه‌ر.

ا. ج