گەلاوێژ لە ٢٥مین ساڵی کارخانەی ئاسەواری جگارە کەێدە ڤیستیڤاڵیگ روشنهۊری
شەفەق نیوز/ شار سلێمانی، ئمڕوو چوارشەممە، دەسکردن وە چالاکیەیل ٢٥مین خول ڤیستیڤاڵ "گەلاوێژ" روشنهۊری ئەدەبی وەخوەی دی، وە سازین بڕیگ لە چالاکیەیل روشنهۊری و ئەدەبی، و هەمیش ڤیستیڤاڵەگە ئاڵشتبوین لە شوینەگەی وەخوەی دی.
ڤیستیڤاڵ "گەلاوێژ" یەکیگە لە گەورەترین ڤیستیڤاڵەیل وەرزی لە هەرێم کوردستان ک یە ٢٥ ساڵە وەبی بڕیان وەردەوامە، و لەلایەن ناوەند روشنهۊری "گەلاوێژ" سەروە ناوەند روشنهۊری چاودێر ڕێک خریەێد.
پەیامنێر ئاژانس شەفەق نيوز ک ئامادەی ڤیستیڤاڵەگە بوی وت: لە هۆڵ کارخانەی ئاسەواری جگارە لە سلێمانی واز کریا، وە ئامادەبوین بڕیگ لە وەرپرسەیل و روشنهۊرەیل ومێوانەیلیگ لە چەن دەوڵتەیگ، و دیاری کرد ک بڕ گەورەی بەشدارکردنەل و ناو ئاسەواری کارخانەگە لە سلێمانی هیشت سەرپەرشتیارەیل ڤیستیڤاڵەگە جویر شوینیگ ئەرا ڤیستیڤاڵەگە لە ٢٥مین ساڵی پەسەن بکەن.
پەیامنێرمان وتیش: رسوومەیل ئمساڵ لە ساڵەیل جارانی جیواز بوی، ک ئمساڵ وە پێشانگەیگ شیوەکاری ئەرا زیاتر لە ١٥٠ هونەرمەن لە ناوچەیلیگ جیاجیا لە هەرێم کوردستان و عراق ڤیستیڤاڵەگە واز کریا، و تا چوار رووژ وەردەوامە.
