لە هەولێر.. مەقامچڕیگ ناودار کورد لەوەر خراوبوین تەندروسیی ئەرا خەسەخانە بریا
2023-08-15T17:50:55+00:00
شەفەق نیوز/ پیشەنگە دیارەگەی مەقام کورد، هونەرمەن، "شوکر خەیات"، ئمڕوو سێشەممە، رەوش تەندروسیی خراو بوی، کە خیزانەگەی ناچار بوین بووگەنەی خەسەخانەی شار هەولێر.
سەرچەوەیگ نزیک له خەیات له ئەرا ئاژانس شەفەق نیوز وت: ئەو گورانیچڕە که له ناکاوەو بیمار بویە و وەکوتپڕ رەسیایە ئەرا خەسەخانە، وەبی ئاشکراکردن هویردوکارییگ زیاتر لە شیوەی بیماریەگەی.
خەیات وە یەکیگ لە هونەرمەنە ناسریایەیل دانریەێد، وەتایبەت لە بوار مەقام رەسەن کوردی، و ناو تەواوی شوکر محمد قادرە، و لە پەیوەندی وەگەرد ئەو پیشەیە کە ژیانی وەپی گوزەران کەێد، ناوی وە خەیات ناسیایە.
لە ساڵەیل سەرەتای گەنجیی لە ساڵ ١٩٥٥ لە ری گورانی فۆلکلۆری کوردی و مەقام دەسوە کار هونەری کردیە و لە ساڵ ١٩٦٧ هاوسەرگیری کردیە و خاوەن هەشت مناڵە، پەنج دویەت و سێ کوڕ زیاتر لە ١٠٠ بەرهەم هونەری توومار کردیە.
جاران لە شار کەرکوک نیشتەجی بوی، بەڵام دویای رویداوەیل 16ی تشرین یەکەم 2017 روی لە شار هەولێر پایتەخت هەرێم کوردستان کرد و تا ئیسە لەورا داکاسیایە.
