لە هەولێر.. پیشانگایگ ئەرا شعر کوردی و عەرەبی

لە هەولێر.. پیشانگایگ ئەرا شعر کوردی و عەرەبی
2023-02-22T13:04:12+00:00
شەفەق نیوز/ رەشاد رەواندزی، شاعیر کورد، ئمڕوو چوارشەممە، پیشانگایگ شعر سازێد، شعر وە زوان کوردی و عەرەبی لەناوی بوی.

ڕەواندزی ئەرا ئاژانس شەفەق نیوز وت: ئمڕوو شەشەمین پیشانگای شعرم واز کردم، و ٢٤ تابلۆ هاناوی، جویر تابلۆیلیگ نشان واتەی شعرەگە دەن.

وتیش: ١٤ تابلۆ وەزوان کوردی، و ١٠ تابلۆ وە زوان عەرەبییە.

لەلای خوەییش، دڵزار لەشکری ک لەناو پیشانگاگە بەشداری کرد، ئەرا ئاژانس شەفەق نیوز وت: شعرەگان فرە رەنگینە، و چوارینە و شعر کلاسیک و شعر ئازاد هاناویان، و شاعرەگە توەنست وەی شعرەیلە ئەوەگ هاناو دڵی وە شیوەی رەگینیگ بڕەسنێد، و پاڵپشتییان وەی تابلۆیلە کرد ک باس دڵداری کەن.

بڕیگ لە دووسەیل شعر و ئەدەب لەناو پیشانگاگە بەشداری کردن، ک شاعرەگە توەنست وە شعرەیل کوردی و عەرەبی میوانەیل بکیشێد.

Shafaq Live
Shafaq Live