لە ناودیارەیل کورد فەیلی.. هونەرمەن سەلیم بەسری
شەفەق نیوز/ سەرچەوەیل لە ژیانی ئویشن: عەبدولکەریم بەسری لە بەغداد، گەڕەک هیتاویین نزیک ناوچەی باب شێخ لە رەسافە، لە ساڵ ١٩٢٦ لەداڵگبویە، و کورد فەیلیە، وەگورەی سەرچەوەیل کورد، خوەنەواری سەرەتایی و ئامادەیی لە مەکتەو (عوێنە) تەواو کرد، و خانم لەتیفە عوبویدی ژنیە، و چوار کوڕ لەلی دیرێد.
سەرچەوەیل نشان دەن ک فرە کەس لەلای خوەیانەو خەڵک بەسرەس، باوجی هویچ پەیوەندییگ وە بەسرە نەیرێد، هەرچەن ناوی هەڵگردیە، دیاری کەن ک نازناوەگە لەوەر رەوشت و خوەشی هاتگە ک جویر رەوشت خەڵک بەسرە داشتیە.
(حەجی رزای) لە ساڵ ١٩٤٢ خوەی رەسانە یەکەمین تیم جەماوەری ئەرا ئەکتەری ک شوینەگەی نزیک مەیدان رەسافی لە جادەی رەشید بەغدا بوی، ئیجا سەلیم بەسری لە ناو ساڵەیل ١٩٤٤ – ١٩٤٨ لە ئەکتەری بڕیار تا ئەرا پیشکەشکردن شانۆگەری (سەلیم بەسری لە مەیدان راهینان) گلەو خوارد، و چیە کۆلێژ ئاداب و زانستەیل مرۆیی، بەش زوان عەربی، لە ساڵ ١٩٥٠، و لە ساڵ ١٩٥٤ تەواوی کرد.
لە مامووستایل بەسری ئەو سەردەمە (جەبرا ئیبراهیم جەبراز جەمیل سەعید، عەبدولعەزیز دوری) بوین، دویای ئەوە سەلیم بویە وەڕیەوبەر شانۆی زانکۆیی لە کۆلێژ ئاداب لە زانکۆی بەغداد.
لەو کارەیل هونەریە لە سینەما پیشکەشیان کرد، فیلمەیل (گەڵایل پاییز لەساڵ ١٩٦٤، فائق ژن خوازێد ١٩٨٤، باڵەخانە ١٣ ، ١٩٨٧، عەرەوانە وئەسپ ١٩٨٩).
هەمیش لە شانۆگەری بەشداری کرد جویر، (هونەرمەنە وەدەس خوەی نییە) لە نویسین سەلیم بەسری بویە و (سەلیم بەسری لەناو مەیدان راهینان)، (بیاوان).
بەسری لە زنجیرەی تەلەفزیۆنی گرنگیگ بەشدار بوی، لەلیان (لەژیر تیغ سەرتاش، داڵ وچەوەیل شار، گورگ و وچەوەیل شار، نەوەیل وچەوەیل شار، لەژیر تیغ سەرتاش بەش ٢، ک لەوەر هووکارەیلیگ سیاسی نمایش نەکریا).
لە دویاترین دوو ساڵ لە ژیانی، سەلیم بەسری خوەی لە رووشنایی دویر خست، تا لە ٨ ئایار ١٩٩٧ تویش نۆرەدڵ هات وبریا خەسەخانەی نوعمان، لەورا دویاکووچی کرد، ئیجا هاوریا ئەرا ماڵ، و تەنیا شەش کەس لە ماڵئاوایی تەرمەگەی بەشداری کردن، چواریان هونەرمەن بوین یەکیگیان حەمودی حارسی بوی، و دوانیش یەکیگیان زاوای بوی و ئەوەکە هاوسای.
هونەرمەن راسم جومەیلی وت: فرەجار باوەڕ وە ئەکتەریی کردیام چمای راسی بوی، و هونەرمەن حەمودی حارسی (عەبووسی) وت: ئەو بیوەفاییە ک لە مردن سەلیم بەسری بوی، هیشتەم لەی وڵاتە بچمە دەیشت.
رەحمەتی سەلیم بەسری، کارەیلیگ هونەری ڕەنگینیگ هیشتە جی، ک کتاوخانەی هونەری وپەیان دەوڵەمەن کرد، ک قەت (غەفوری) لە زنجیرەی (گورگ و چەوەیل شار) لە هویر نیەچوود، ونەیش (حەجی رازی) لە یاد مەردم چوود.
