لە ڤیستواڵیگ ناودەوڵەتی باس لە ئەدەب و کەلتور كوردی کریەێد

لە ڤیستواڵیگ ناودەوڵەتی باس لە ئەدەب و کەلتور كوردی کریەێد
2023-02-28T07:23:31+00:00
شەفەق نیوز/ لە ئیوارانیگ  كوردی لە شار بیدگۆشی پۆڵەندا وەڕیەو چگ، ک لەلایەن یەكێتی نویسەرەیل پۆڵەندا، لق بیدگۆشی رێک خریا، ئی دانیشتنە پەیوەندی وە پیشانگای "كوردستان روخسارە رزگاربویەیل" دیرێد.

سەرەتای چالاكییەگە وە وتار زیاد رەئوف دەسوەپی کرد، روخسار جویراجویر كوردستان پێشكەش وە ئامادەبویەیل كرد ک وە هویردە باس لە میژوو، رەوش سیاسی و ئابووری و روشنهویری، رەوش كەرت پەروەردە، شوینەیل گەشتیاری و هاوكاریەیل پۆڵەندا ئەرا هەرێم كوردستان.

ئیجا واكلاو كوچما وەڕیەوبەر  موزەخانەی بیدگۆش باس لە پیشانگای "روخساری ماوەكانی كوردستان" كرد ک ئیرنگە لە مۆزەخانەگە پێشكەش کریەێد. هەرلیوا داریوس لێبیۆدا ک شاعریگ پۆڵەندییە لەو چالاكییە باس ئەدەب كوردی كرد، رووشنایی خستە بان بەرهەم شاعر كورد شێركۆ بێكەس، هەر ئەو شاعرە كوردە بەشیگ لە شیعرەیل شێركۆ بێكەیس ئەرا زوان پۆڵەندی ئەڵگەردان.

ئامادەبویەیل خاسیگ لەناو ئەو گردەوبوینە بوی، ک دەسکردنە پرسیارەیلیگ لەباوەت کوردستان. 

كوردستان روخسارە رزگاركراوەكان، ناو پیشانگا و ڤیستواڵیگ كوردیە لە شار بیدگۆشی پۆڵەندا ک بەرهەم هونەرمەنەیل هەرچوار پارچەی كوردستان لەناوی نمایش کریەن.

پیشانگاگە لە 25ـ تشرین دویەم 2022 واز کریاگە و لەناوی هونەرمەنەیل تابلۆ، گرافیك، ڤیدیۆ ئارت و وینەیان نمایش کەن، و تا 31 ئادار 2023 وەردەوامە.

Shafaq Live
Shafaq Live