كەلتوور هۆڵەندی‌و كوردی وەیەكەو بوين
لەكەنیسەیگ كويه‌ن شار ئەپڵدۆرن لەهۆڵەندا وە بەشداری چەنه‌ها گرووپ هونەریی جوور (گرووپ سەمای راهاتینی، گرووپ یونانی چارا، تیپ شانۆی بێ سنوور) وەهاوبەشی رێكخرياگ (رەنگ) هۆڵەندی، رووژێگ فرە كەلتووری هونەریی سازكريا، بێجگه لەچەن نمایشێگ هونەریی چەن هونەرمەندێگ كورد وەزووان كوردی‌و وه‌ل موزیك كوردی چەن پەندێگ پێشینان كوردی لەچوارچێوەی تابلۆیگ شانۆیی ئه‌ڕا میوانه‌يل پێشكەشكردن.
سەبارەت وەی چالاكییە حەمە بەكر وت: من وەموزیك كوردی بەشداربويم، بەشداریكردنەگەيش وەبێ جیاوازی سنوورو ئاین‌و زووان‌و نەتەوە بوی، چالاكییەگە ئه‌ڕا ناسانن كەلتووریی نەتەوەيل جیاواز بوی لەكەنیسەیگ كەلتووری كويه‌ن شار ئەپڵدۆرن لەهۆڵەندا.
هەر له‌بارەی ئی چالاكییە باكۆ سۆرانی وت: بەشداری ئيمەيش زیاتر جوور هونەرمەندو شانۆكار بويە، وه‌ل سامان ژین وه‌يه‌كەو نمایشێگ شانۆیی پێشكەشكرديمن، ك تابلۆیگ شانۆیی بوی وەناو (نەناسرياێ).
ا. ج
