كورده‌یل ئیران دە فستیواڵ فیلم کوردی هامبوورگ، خەڵاتی کریان
شەفەق نیوز- دە دوازەهمین جەژنوارەێ فیلم کوردی "هامبوورگ/ Hamburg " ئاڵمان، سینەماوانەێل ئێرانی، بان ئەڵ بان خەڵاتەێل یەکم و دوێیم ئی رووداو هونەری جەهانییە بردن ئەڕا خوەیان.
"یاسر ئیرماک/ Yasir Irmak " سەرەوەرەکەر ئی دەورە بی ک لە لایەن کوردەێل دانیشتگ دە کشوەر ئاڵمان ئوو ئەڕا ویرەمەنی کردن لە رەوانشاد "رەحیم زەبیحی" فیلمساز بانەئی، نریا.
دە ئی جارە ک کریا لە هەن تەمەرکوز و هیردەو بیین دە مل سینەماێ ئێران، 42 کار ئکران بی ک چوار لەیان فیلم سینەمایی بین، 10 لەیان فیلم موستەنەد، 24 گلەێش کوڵەفیلم داستانی و ئەنیمەیشنی و ئوو ئەو چوارەیانیش فیلمەێلێ دە بەش «مناڵ و میرمناڵان» بین .
ئەوانە گشت هن سینماوانەێل کورد بین ئوو دە رووژەێل 28 اکتبر تا 3 نوامبر 2021، دە سینماێلەێ "کینو/ Kino" ، "زیسه/ Zeise " و 3001 در شار هامبوورگ، کشوەر ئاڵمان دریان نیشان و داوەری کریان.
ئەڵبژریاگەێلەێ ئی دەورە ها ئەیانە بین:
ـ یەکم خەڵات وە کورتەفیلم «لکه» وە کارگەردانی «شووڕش وەکیلی» لە ئێران دریا
ـ دوێیم خەڵات وه کورتەفیلم " کەڕەنتینه / Qurantine " وە کارگەردانی «موحەمەد ڕزا ئەردەڵان» لە ئێران دریا
-خەڵات سێیم دریا وە کورتەفیلم "کود ئارزووەێلە/ Cudi of the Wishes" ک "سەهیم ییلدیز/ Semiha Yıldız" لە تورکیه دەرهاوردگەسەێ.
ـ خەڵاتی تایبەتی جەرخەێ داوەرەێلەێش وە کوڵەفیلم ئەنیمەیشنی "دەس‌کردنەوەێ نووی/ Starting Over " وە کارگەردانی «ئه‌وین به‌رازی/ Evin Berazi" فیلمساز روژئاوائی ک دانیشتووی دانمارکە، دریا.
دە ئی دەوڕە لە "رەحیم زەبیحی" یاد کریا ئوو فیلم موستەنەد «نان موقەدەس/ نان پیرۆز/ Holy Bread " کارە دومایینەگەێ ئی فیلمساز فەوتیاگ کوردستانییە بڵاوەو بی. توروج ئەسڵانی وەگەرد کومپانی سینەمایی "ماد مووی/ MAAD Movie" یە بردە بان پەردەگە.
