فلمێگ كوردی دو خه‌ڵات له ڤستیڤاڵێگ سینه‌مایی ئه‌مریكی وه‌ده‌س هاورد
وه‌زاره‌ێ ڕوشنهوێرى عراق وده‌ركردن به‌یاننامه‌ێه‌گ و كل كردن كوپیێگێ ئه‌ڕا شه‌فه‌ق نیوز ڕاگه‌یاندگه ، ئه‌كته‌ر كورد حسێن حه‌سه‌ن خه‌ڵات خاسترین ئه‌كته‌ر ناو فلمه‌گه وه‌ده‌س هاوردێه و (ئبراهیم سه‌عیدی)یش خه‌ڵات خاسترین مونتاج فلمه‌گه وه‌ده‌س هاوردیه و وه‌یه‌یش ئاماژه كردێه ك فلمه‌گه باس "پروسه‌ى به‌دناو ئه‌نفال" له هه‌یشتاگان سه‌ده‌ێ سه‌ده‌ێ گوزه‌یشته كه‌ێگ.
به‌یاننامه‌گه باس ئه‌وه‌یش كه‌ێگ ك داستان فلمه‌گه باس ململانى له ناونی دو نه‌وه كه‌ێگ ، یه‌كێگیان نه‌وه‌ێ پیره ك خوه‌ێ ئازار و مه‌ینه‌تیه‌گان تاوان ئه‌نفال وه‌چه‌و خوه‌ێ دیه و له‌و كاره‌ساته نجاتێ بوێه و نیه‌تواێ چشتێگ له‌و كاره‌ساته بارێگه یاد و ئه‌و نه‌وه‌گه‌یش تازه‌س و یادگاریه‌یل نا ڕوشنێگ و به‌عزێ ره‌سمه‌یل و نه‌خشه‌ێ ڕوێ دیواره‌یل له‌و كاره‌ساته دێرێ.
ئه‌كته‌ر حسێن حه‌سه‌ن نه‌خش كه‌ساێه‌تى نه‌وه‌ێ یه‌كم بازى كه‌ێگ و كه‌سایه‌تى نه‌وه‌ێ تازه‌یش له لاێه‌ن قاره‌مان فلمه‌گه وه‌ناو " سنوور" به‌رجه‌سته كرێه‌ێ ك شه‌یما مه‌ولدی ئه‌و نه‌خشه بازى كه‌ێگ.
ئه‌و فلم كوردیه ك ماوه‌گه‌ێ 97 خوله‌كه له كێبه‌ركێ فلمه‌یل درێژ ڤستیڤاڵ ئه‌بو زه‌بى نمایش كریا.
شایان باسه فلم "یادگاریه‌یل ڕوێ كوچگ" سێومین فلم داستانی دراوه‌ر عراقی " كوركی "ه ك ماوه‌ێ 25 ساڵه له غوربه‌ت ژیه‌ێگ و بێجگه ئه‌وه‌یش فلم "زه‌بر سه‌ره‌تایی" و "په‌ڕینه‌وه له غوبار"یش به‌رهه‌م هاوردێه.
ج ك
