فلیم کوردی "دراوسێ" بەشداری لە ڤیستوالیگ جەهانی کەێد

شەفەق نیوز/ فلیم کوردی "دراوسێ" (هاوسا) بەشداری لە ڤیستواڵ سینەمایی هامبورگ جەهانی کەێد.

رەوان جواد ئەندام راگەیانن،  لە سێنزەهەمین ڤیستواڵ هامبۆرگ سینەمای کوردی  لە ئەڵمانیا وە ئاژانس شەفەق نیوز وت: فلیم "دراوسێ" دەرهێنەر کورد مانو خەلیل، لە ڤیستواڵ هامبۆرگ سینەمایی لەماوەی 26 تا 31 تشرین یەکەم پەخش کریەێد.

جواد وتیش؛ ڤیستواڵەگە لەژیر دروشم ( ژن، ژیان، ئازادی) کریەێد، دیاریکرد ئی ڤیستواڵە ئمساڵ وە پەخشکردن فلیم "دراوسێ" دەرهێنەر مانو خەلیل وازکریەێد، ئاهەنگ وازکردنەگە وەگەرد هونەرمەند کورد هەڤرون کریەێد وە پیشکەشکردن پارچە گورانیەیل فلکلۆر کوردی و مۆسیقای کوردی.

وتیش،  28 فلیم و 10 فلیم بەڵگەنامە و 11 کوڵگە فلیم و دوو فلیم وینەی جولیاگ بەشدارن لە ڤیستواڵەگە، لە ڤیستواڵەگە هەر رووژیگ چوار فلیم پەخش کریەێد.