فلیم نوویگ لەبارەی زندگی مایکل جاکسۆن بەرهەم تێریەێد

ستۆدیۆی لایۆنزگێتی تایبەت وە بەرهەمهاوردن فیلم و کار هونەری لە ئەمریکا لە بەیاننامەیگ دیاریکردیە" فیلم نوویگ لەبان زندگی مایکڵ جاکسۆن پاشای پۆب بەرهەم تێریەێد، کە جەعفەر جاکسۆن برازای رۆڵ دوینێد". 

هەمیش وت" فیلمەگە باس لە گشت لایەنەیل زندگی و دیارترین نمایشەیدی کەێد". 

 فیلمەگە لە دەرهێنان ئەنتوان فوکوا و بەرهەمهاوردن گراهام کینگ بوود.

مایکل جۆزیف جاکسۆن لە ٢٩ مانگ ئاب ١٩٥٨ لە داڵگبویە، وە یەکیگ  لە وەناوبانگترین هونەرمەنەیل جەهان ناسریاگە، لە مژار گورانی و نواندن و موسیقا دانەر و سەماکار و مۆنتێری گورانی و دیزانەر سەما و دەرهێنەر و بزنسمان و چالاکی مژار ماف مرۆڤ ئەمەریکی ناسریاگە و نازناو پادشای "پۆپ" وەپی دریایە.