فستیواڵ فیلم و فەرهەنگ کوردی دە "نیویورک"

شەفەق نیوز/ پەنجمین فستیواڵ فیلم و فەرهەنگ کوردی دە شار نیویورک " New York"، کەڵێنشار ئامریکا دنرێ.

بەرپرس ئی فستیواڵە خانم "خەیاڵ قیرتێڵ/ Xeyal Qertel"، چالاکوان بەش و ماف مروڤە.

دە ئی فستیواڵە گشت جوور فیلم و ئەنیمەیشنێ لە کوڵ و دریژ، وەرد پێشکش کردن مووسیقا و گوورانی پەخش و بڵاوەو دبێ.

دە کەش ئی فستیوالانە، شێعرخوەنین و ناسانن کتاو و وت‌ووێژ وەرد نویسکارەێل دە رووژەێل 19 و 20 و 21 مانگ سپاتمبر 2021 ده نام هۆڵ سینەمایی "ئانجلیکا/ Angelika" دیرن.

یەکێ لە بەشەێل زق و دیاری و دڵخواز ئی فستیواڵە، باس راوسیان ژنەێل و جەنگەوەرییەێلەێ شێرەژنەێل کووبانییە ئوو باس ستەم کردن دە مل ژنەێل و زاڕووەێل کورد دە رووژئاوا و شنگاڵ.

باس دە مل کتاوە پڕفرووشەگەێ "کچانی کووبانی/ دۆتەێلەێ کووبانی" یەکێ لە بەرنامەێل فرەلاییندار ئی بەشەسە.