فیلمیگ كوردی خەڵات فێستیڤاڵ ناودەوڵەتیی فیلم قاهیرە وەدەس هاورد

شەفەق نیوز/ فیلم سینەمایی "ئەزموون" لە دەرهێنان سینەماكار كورد "شەوكەت ئەمین كوركی"، خەڵات سندووق جەماوەری ڕێكخراو نەتەوە یەكگرت UNFPA لە چلوسێیەمین خول فێستیڤاڵ ناودەوڵەتیی فیلم "قاهیرە" لە وڵات میسر وەدەسهاورد.    

فیلم سینەمایی "ئەزموون" The Exam چوارەمین فیلم درۊژ سینەماكار كورد "شەوكەت ئەمین كوركی"یە، لە بەرهەمهاوردن "مەمەد ئەكتاش" و بەرهەم هاوبەشی هەرێم كوردستان و وڵاتەیل ئەڵمانیا و قەتەرە.       

فیلمەگە لە نووترین بەشداریی ناودەوڵەتی خوەی لە بەش  "پانۆڕامای نادەوڵەتی" لە چلوسێیەمین خول فێستیڤاڵ ناودەوڵەتی فیلم "قاهیرە" Cairo لە وڵات میسر، وە ناونیشان كۆنترین وڵات عەرەوی ئەرا پیشەی سینەما و گرینگترین فێستیڤاڵ ئەفریقیا و جیهانی عەرەو، نمایش کریا. 

ئەم فیلمە لەو فێستیڤاڵە تۊنست خەڵات "سندووق جەماوەری ڕێكخراو نەتەوە یەکگرتگەیل" UNFPA لەی خولە وەدەس بارێد.