فێرناندۆ پێسەوا ئەو شاعیرەگ خاوەن زیاتر لە 70 سایە بوی
فێرناندۆ پێسەوا لە ساڵ 1888 لە لیشبۆنە پایتەخت پرتوگال لەداڵگبویە، لە تەمەن پەنج ساڵی باوگی مرێد دویای ئەوە داڵگی شوی کەێدە کونسوڵ پرتوگال لە باشوور ئەفریقا، پێسەوا ماوەیگ لە باشوور ئەفریقا مینێد، باوجی ئەرا خوەنستنوگلەوخوەێد ئەرا لیشبۆنە، باوجی خوەنین تەواو نیەکەێد و وە تەنیا لە ئۆتێلیگ هەرزان و وتاقیگ کرا مینێد ژیانی وەسەر بەێد.
پێسەوا بە واتای (بیکەس) تەێد، هەر ئی دۆخە هیشت پێسەوا چەندین کەسایەتی دروس بکەێد و ناو و ژیاننامە ئەرای دابنەێد وە ناو ئەوانەو شیعر بنوسێد و بڵاویانبکەێد.
ئی شاعیرە تەمام ژیانی خەریک نویسین بویە، باوجیتەنیا دیوانیگ بڵاوکردیە وە ناوەی "نامە"، باوجی دویای مردنی لە ساڵ 1935، باوەڵیگ لە وتاقەگەی پەیاکریەێد ک نزیکەی سێ هەزار دەق ئەدەبی لەناوی بویە و چەندین ناو خوزراو لەبانیان نویسریایە جویر: ( ئەلبێرتۆ کایرۆ، ئەلڤارۆ دو کامپۆس، ریکاردۆ رەیس، بێرناردۆ سوارێس و .... چەندان ناو تر)، ک گشتیان ناو خوازراوبوینە و پیسەوا دروسیان کردیە تا ئەو وەختەی وەرجە مردنی گشتی لەخوەیانەو ئی شاعیر و نوسەریلە راستەقینەن و بونیان هەس.
بێسەوا وە تەنیا نەهاتیە وە ناو خوازرباو بنویسێد، بەڵکم ئەرا هەر یەک لەو کەسایەتیەیلە شێوازیگ تایبەت وەخوەی دانەێد ک جیاوازە لە کەسایەتیتر، وەپای بڕیگ سەرچەوەی ئەدەبی، فێرناندۆ پێسەوا لە ماوەی ژیانی نزیکەی 70 کەسایەتی دروستکردیە و چشتەیلیگ وە ناویانەو نویسایە.
