فەتانەی وەلیدی
2023-09-15T07:57:55+00:00
شەفەق نیوز/ فەتانە محەمەد شەریف وەلیدی، ناسریاگ وە فەتانەی وەلیدی، لەساڵ 1953 لە شار سنە خوەرهەڵات کوردستان لە داڵگبویە، لە ساڵ هەفتایل خوەنستن بەش میوزیگ لە تەهران تەواوکەێد.
سەرەتای گورانیچڕینی چوودەو ئەرا سەردەمان مناڵی ئەو خانمە هونەرمەنە وە گاڵداین حەسەن کامکاران لە رادیۆی سنە توومارکردیە، هەر زوی کەفێدە وەر سەرنج ژەنیار و گورانیچڕەیل ناودیار ئەو سەردەمە جویر گریش میکائیلزادە و موجتەبا میرزادە، توەنستیە لەو سەردەمەی خوەی بوودە یەکەمین خانم دەس وەکار گورانیچڕین بکەێد.
خاوەن نزیکەی ٦٠ بەرهەمە کە لە رادیۆی سنە و کرماشان تۆمارکریانە، دیارترینیان گورانی "لەسەر رووی قامەتی یار"ە کە لەکوردستان باشوور ناوبانگ وەپی دەرکرد.
دویاجار عاشق بوین ئاراستەی زندگی فەتانە ئاڵشت کەێد و هیلێد واز لە گورانیچڕین و هونەر بارێد وە جویریگ کە ئویشن کاریگەری بەدیگ لەبان دەروین فەتانە دروس کردیە تا رەسیەس وە ئاست دیوانە بوین.
