شه‌ش خه‌ڵات ئه‌ده‌بی کوردی ده سه‌رده‌وای ئمساڵ وه چالاکه‌یل کار کوردی ده ئیلام ددرێ
شه‌فه‌ق نیوز/ جانشین فه‌رهه‌نگی ئرشاد ئسڵامی ئیلام، هشاره‌ی کرد وه بانگه‌چڕی کردن ئه‌ڕا خه‌ڵات ئه‌ده‌بی ئیلام و وت: ده ئی ده‌وره نزیکه‌ی سه‌د کار کوردی له شاعره‌یل و نویسهرهیل ئیلامی به‌شداری دریان.
یوونس قه‌یتانی هه‌مجا وت: ئی جه‌شنواره وه هامکاری و تێکوشان بنگه‌ی ئه‌ده‌بی "واران" ده ئیلام خریاگه‌سه رێ و هێمێداریمن ک ببێگه چین خه‌یرێ تا نویسهرهیل و شاعره‌یل و ئه‌دیبه‌یل ئیلامی بنیشنه ده‌منێشت یه‌ک و یه‌که‌و بگرن و نمامه‌یل ئیلامی له گه‌پتره‌یله هووکاره‌ی رێ و ره‌وه‌ن کار خاس و شیکاری ببن.
ئه‌و ده‌س دۊماجار وت: ئه‌ڕا ئی کاره، کتاوه‌یلێ ک ده نامه‌ین ساڵه‌یل 2011 تا 2020 ده بوار شێعر و داستان و ئه‌ده‌بیات و زاڕووانه چاپ کریانه، گریانه وه‌ر چه‌م و وه‌رد یه‌کتره‌کی داو دریان.
به‌ش تایبه‌تی ئی جه‌شنواره شێعرخوه‌نین مه‌جازی نمام و نوونمامه‌یل شێعر کوردی ده ئیلامه.
