پێشانگای هونەری نەوار.. هونەرمەنەیل عراقی و بیانی تابلۆگانیان لە هەولێر نمایش کەن
پێشانگاگە، تابلۆیەیل شێوەکاریەیلیگ گرێدە خوەی لە دید هونەرمەنەیل ئەرا واقیع و رەنگینی و هەستەیل ژنانە و نیشتمانپەروەری، کە لەری کارەیل داهێنەرانەیان پاڵپشتی کەن لە روشنهویری هونەری تایوەت وە ژنەیل عراقی و ئامادەبوین هەمیشەیی لە گۆڕەپان رووشنهویری و هونەر.
فەیحاء ئاغا (یەکیگە لە شیوەکارە بەشداربویەیل پێشەنگاگە) وە ئاژانس شەفەق نیوز وت "پێشانگاگە وەشیوەی نایابیگ ژنانەس، شمارەیگ لە هونەرمەنە ژنەیل عراقی بەشداری کردنە، لە ماوەی پێشانگاگە تابلۆیەیل شێوەکاری جویراوجویریگ نمایش کرێد کە باوەتە هونەریل فرەیگ گرنە خوەیان".
جیاوازی پێشانگاگە لەوەس، هونەرمەنەیل بیانی هاوشان وە هونەرمەنەیل ناوخوەیی بەشداریکردنە، ئەوانە وڵاتەیلیان وەجی هیشتنە، لە ری تابلۆگانیان نوڕستنیان ئەرا هونەر و مەبەستەیل هونەری و داهێنان خەنەروی.
ئێ دەسپیشخەریە وە بەشداری ناوەین ناوەن روشنهویری هونەری لە زانکۆی جیهان لە هەولێر و پێگەی خانمە شێوەکارەیل عراق کریایە، کە تایوەتە وە بڵاوکردن خەوەرەیل وینەکیشەیل ژن لە عراق و دەرەوەی عراق، ئەوزەڵداین وە کارەیل هونەریان.
